Андросова Татьяна Игнатьевна

Татьяна Игнатьевна 1939 сыллаахха Таатта оройуонун Алдан нэһилиэгэр төрөөбүтэ. Аҕата Игнатий Леонтьевич 1942 сыллаахха сэриигэ ыҥырыллыбыта уонна 1943 сыллаахха ылбыт бааһыттан билиҥҥинэн Белгородскай уобалас Алексеевка куоратыгар өлбүтэ. Ол куоракка тутуллубут Кыайыы мемориалыгар аата суруллубут. Ийэбит Уус Таатта, Ытык Күөл оскуолаларыгар үөрэммитэ. Дьокуускайдааҕы култуурунай сырдатар  училищены, Дьокуускайдааҕы педагогическай училищены бүтэрбитэ. Икки сыл Баайаҕа кулуубугар үлэлээбитэ. 1964-2008 сылларга Баайаҕа оскуолатыгар баһаатай, оҕолору куруһуокка салайааччы, музей сэбиэдиссэйэ. Республикаҕа саамай уһуннук үлэлээбит баһаатайдартан биирдэстэрэ, методист-баһаатай. Оскуолаҕа ИДК. Ленинскэй музейы, оскуола историята, нэһилиэк историята музейдары тэрийиигэ үөрэнээччилэри, педагогическай кэлэктииби, нэһилиэк общественноһын көрдөөһүн үлэҕэ кытыннаран улахан үлэни ыыппыттара. Андросовтар учуутал династияларын бэрэстэбиитэлэ. Музей матырыйаалынан кэллиэгэлэрин кыттыһыннаран утумнаахтык үлэлиир, 20-тэн тахса кинигэ ааптара уонна хос ааптара. Татьяна Игнатьевна Баһаатайдар Бүтүн Союзтааҕы 1- гы сүлүөттэрин, Саха сирин учууталларын уонна педагогическай общественноһын Х1 съеһин дэлэгээтэ. ССРС, РСФСР үөрэҕириитин туйгуна, СР үөрэҕин үтүөлээх үлэһитэ, Таатта улууһун уонна Баайаҕа нэһилиэгин бочуоттаах олохтооҕо.