Дети войны

 
 
Годы жизни: 24.09.1941г

Туласынов Игнатий Игнатьевич. 24.09.1941

 1941 сыллаахха балаҕан ыйын 24 күнүгэр Таатта оройуонун Алдан нэһилиэгэр Кучурова Александра Николаевна уонна Туласынов Игнатий Леонтьевич дьиэ кэргэттэригэр 4-с оҕонон төрөөбүтэ.

Аҕата 1942 сыллаахха Аҕа дойдуну көмүскүүр сэриигэ ыҥырыллан барбыт уонна сэриилэһэ сылдьан бааһыран 1872 №-дээх эвакуационнай госпитальга сытан Белгородскай уобалас Алексеевка куоратыгар өлбүт. Кини аата Алексеевка куоракка турар Кыайыы мемориалыгар суруллубут. 

Уус Таатта, Ытык Күөл оскуолаларыгар үөрэммитэ. Спордунан утумнаахтык дьарыктаммыта. 1960 сыллаахха оскуоланы бүтэрэн баран «Калинин» холкуоска маҥнай окко звеньевойунан онтон сүөһү биригэдьииринэн үлэлээбит. 1963-1966 сс. Советскай Армияҕа сулууспалаабыт. Комендатура старшината. Армияҕа сылдьан тустууга дивизия чемпиона.

1966 сыллаахха Армияттан кэлэн баран Петр Алексеев аатынан совхозка совхоз гараажтарын сэбиэдиссэйинэн үлэлээбит. 1968-1999 сс. боростуой суоппартан саҕалаан «Октябрь 50 сыла» совхоз киин отделениетын управляющайынан, совхоз солбуйар директорынан, кормопроизводство сыаҕын начальнигынан, сельпо правлениетын заготовителинэн, солбуйар бэрэссэдээтэлинэн, правление бэрэссэдээтэлинэн, Орджоникидзевскай оройуон райпотребсоюһун правлениетын солбуйар бэрэссэдээтэлигэр тиийэ үлэлээбитэ.

21 сыл устата араас сценкаларга, испэктээкиллэргэ кыттан Күөрдэм народнай театрын астарыыга кыттыгастаах.

1999 сылтан Дьокуускай куоракка олорор. Бастаан урбаанньытынан, онтон 2007-2017 сс. Республиканскай ветеринарно-испытательнай лаборатория вахтерунан, 2008 сылтан «Парус» детсадка плотнигынан үлэлиир.

Игнатий Игнатьевич Туласынов үлэ бэтэрээнэ, РСФСР потребительскай кооперация туйгуна, физическай культура уонна спорт бэтэрээнэ, СР тыатын хаһаайыстыбатын бэтэрээнэ, «Хаҥалас улууһун социальнай-экономическай сайдыытыгар өҥөтүн иһин» бэлиэ, Күөрдэм нэһилиэгин бочуоттаах олохтооҕо.

Место рождения: Алданский наслег Таттинского района
ПОДЕЛИТЬСЯ СТРАНИЦЕЙ