Туласынова Елизавета Васильевна

(1945-1997) 

Елизавета Васильевна Туласынова атырдьах ыйын 3 күнүгэр 1945 сыллаахха уруккута Орджоникидзевскай оройуон Булгунньахтааҕар күн сирин көрбүтэ. Оҕо сааһа Тиит-Арыы Чкаловар ааспыта. Харыйалаахха, Тиит-Арыыга, Булгунньахтаахха үөрэммитэ. Таатта оройуонугар Уус-Таатта орто оскуолатын базатыгар биир сыллаах педкылааһы бүтэрэн детсад воспитателэ идэни баһылыыр. Сирдээҕи дьолун булан, Туласынов Игнатий Игнатьевичтыын ыал буолар.

Елизавета Васильевна 1968 сыллаахха Орджоникидзевскай оройуон Күөрдэм нэһилиэгэр детсадка воспитателинан ананар. Дьэ мантан ыла Елизавета Васильевна бу детсадка воспитательтан саҕалаан сэбиэдиссэйигэр тиийэ айымньылаах үлэтэ олоҕун тиһэх күннэригэр дылы саҕаланар.

Күөрдэмҥэ оройуоҥҥа биир улахан 100-тэн тахса оҕолоох 3 корпустаах типовой детсады туттаран үлэҕэ киллэрбитэ. Детсада оройуоҥҥа бастакынан экспериментальнай площадка буола үүммүтэ.

Сүрүн үлэтин таһынан олохтоох совет депутата, дьахтар советын, оскуолаҕа төрөппүт комитетын председателэ, ону таһынан табаарыстыы суут чилиэнэ, уус-уран самодеятельность активнай кыттыылааҕа этэ.

Ийэбит аатын үйэтитэн сылын аайы үөрэх дьылын түмүгүнэн детсад педсоветын быһаарыытынан бастыҥ иитээччигэ Тулааһынаптар дьиэ кэргэттэрин гранын нэһилиэк ыһыаҕар туттарабыт.

Е.В. Туласынова дьиэ кэргэнэ, «Туллукчаан» детсад коллектива үөрэх управлениетын өйөөһүнүнэн 2012 сылтан улуустааҕы Елизавета Васильевна Туласынова аатынан педагогическай ааҕыылары ыытабыт.

20-тэн тахса сыл салайбыт «Туллукчаан» детсада Елизавета Васильевна Туласынова аатын сүгэр.

Е.В. Туласынова РСФСР µ³рэ±ириитин туйгуна. Кини олоҕун кэргэнэ Игнатий Игнатьевич, оҕолоро, үгүс сиэннэрэ салгыыллар.