Скрыбыкин Владимир Семенович (1941 с.), Таатта оройуонун Саһыл нэһилиэгин "Жданов" холкуоска сэрии бастакы сылыгар төрөөбүт. Онон сэрии сылларын ыарахан олоҕун эҥэрдэһэн улааппыт. Аҕата Семен Афанасьевич Арҕаа фроҥҥа тиийэн, Ржев куорат анныгар кыргыһыы хонуутугар көмүс уҥуоҕа үйэ-саас тухары хаалбыт. Владимир Семенович кэлин олоҕун устата механизатор бастыҥа буолан, РФ Үлэтин ветерана этэ. Билигин биһиги кэккэбитигэр суох да буоллар, төрөөбүт сирин дьоно-сэргэтэ кинини умнубаттар.