Дети войны

 
 
Годы жизни: 21.08.1934-15.05.1998

 Федорова Капитолина Семеновна, атырдьах ыйын 21 күнүгэр, 1934 сыллаахха Лиэнинскэй оройуонун Ньурба бөһүөлэгэр Федоровтар дьиэ кэргэттэригэр бастакы оҕонон төрөөбүтэ.

Оҕо эрдэҕиттэн үлэни өрө тутан, хайдахтаах да үлэттэн толлубакка улааппыта. Төрөппүт аҕата Федоров Семен Михайлович, биэс саастааҕар өлбүтэ, ийэтэ Федорова Дария Николаевна үс оҕолоох огдообо хаалбыта.

Капитолина Семеновна оҕо эрдэҕиттэн олус ирдэбиллээх, ыал улахан оҕото буолан эппиэтинэстээх, ылсыбыт дьыалатын тиһэҕэр тирирэрдэр киһи этэ.

Саамай сөбүлүүр дьарыга сибэкки олордуута этэ. Кинилэр дьиэлэрин түннүгэ сайыннары-кыһыннары сибэкки дьэрэкээн өҥүнэн туолан турарара.

Иллэҥсийдэ да хаһыат, кинигэ ааҕара, дьиэлэрин иһигэр дьиэ кэргэн библиотеката баара, онно араас политиктар, биллиилээх дьоннор тустарынан кинигэлэр, томниктар бэрээдэктэнэн, алфавитынан турара. Төһө да анал үөрэҕэ суох буоллар политиканы олус интэриэһиргиирэ. Дьэибит иһигэр «Огонек», «Комсомольская правда» хаһыаттары ааҕан ырытарбыт, сийиэстэри телевизорынан көтүппэккэ көрөрбүт. Бу холобуругар үөрэнэн, иитиллэн , билигин ииппит сиэнэ кини туйаҕын хатаран юрист идэлээх.

Капитолина Семеновна секретарь-машинист курсугар үөрэнэн баран бочуоттаах сынньалаҥҥа барыар диэри райкомолга бэриниилээхтик, 30 сыл үлэлээбитэ. 1990 сыл балаҕан ыйыгар пенсияҕа барбыта.

Үлэтигэр бэриниитин иһин элбэх махтал суруктардаах, мэдээллэрдээх. 1992 сыллаахха  «Тыыл бэтэрээнэ» мэдээлинэн наҕараадаламмыта.

Уһун, ыарахан ыарыыттан ыам ыйын 15 күнүгэр 1998 сыллаахха өлбүтэ.

Место рождения: Ньурба бөһүөлэгэ, Лиэнинскэй оройуон (Ньурба)
Боевые награды: Тыыл бэтэрээнэ
ПОДЕЛИТЬСЯ СТРАНИЦЕЙ