Федорова Клара Семеновна

Сэрии оҕото

(1939-2009 сс.)

Федорова Клара Семеновна от ыйын 16 күнүгэр, 1939 сыллаахха Лиэнинскэй оройуонун Ньурба сэлиэнньэтигэр Федоровтар дьиэ кэргэттэригэр үһүс оҕонон төрөөбүтэ.

Оҕо эрдэҕиттэн хара µлэҕэ эриллэн улааппыта. Аҕата Федоров Семен Михайлович, икки саастааҕар өлбүтэ, ийэтэ Федорова Дария Николаевна үс оҕолоох огдообо хаалбыта.

Сүөһүлээх буоланнар, сут-кураан сыллары чэпчэкитик аһарбыттара. Сайынын оттуура, күһүнүн-сааһын мастыыра, кµµстээх үлэни этинэн-хаанынан билбитэ. Оскуолаҕа үөрэнэр кэмигэр ордук математика, физика уруоктарын сөбүлүүрэ. Оскуоланы бүтэрэн баран, лаборант идэтин баһылаабыта. Идэтинэн кылгас кэмҥэ үлэлээбитэ. Ол кэннэ бочуоттаах сынньалаҥҥа тахсыар диэри пионер дьиэтигэр, µөрэҕирии салалтатыгар муоста сууйааччынан үлэлээбитэ.

Үлэтигэр мэлдьи хайҕалга сылдьыбыта. Ол µтµ³ суобастаах µлэтэ грамоталарынан, махтал суруктарынан бэлиэтэммитэ. 1991 сыллаахха балаҕан ыйын 30 күнүгэр САССР Үлэ бэтэрээнэ мэтээлинэн наҕараадаламмыта.

1995 сыл сэтинньи 10 күнүгэр бочуоттаах сынньалаҥҥа тахсыбыта. 1999 сыл сэтинньи 30 күнүгэр Российскай Федерация Үлэ бэтэрээнэ аат иҥэриллибитэ.

Икки кыыс оҕолоох, үс сиэннээх, икки хос сиэннээх.

2009 сыллаахха ахсынньы 10 күнүгэр уһун ыарахан ыарыыттан 70 сааһыгар кµн сириттэн кµрэммитэ.

Клара Семеновна олус сэмэйэ, үтүө майгылааҕа, дьээбэлээҕэ. Кини иллэҥ кэмигэр баайарын, дьэрэкээн оҥоһуктары оҥорорун ордороро. Мэлдьи итии чэйдээх, остуола толору астаах, куруук ыалдьыттаах саха Далбар Хотуна этэ. Кыргыттарын бэйэтин холобурунан, киһи киһитэ буолун диэн ииппитэ.