Аан дойдуну аймаабыт Аҕа дойду Улуу сэриитэ хас биирдии ыал аанын тоҥсуйан, хас биирдии киһи олоҕор ыар бэлиэни, сүтүгү хаалларбыт уоттаах сэрии… Хаһан да умнуллубат, өйөтөн-сүрэхтэн сүппэт аһыы, аба, курас санаа… Аҕа дойдуну көмүскээччилэр истэригэр  Потапов аймахтан 9  киһи ыҥырыллыбытыттан 7 эдэркээн, удьуору ууһатар киһитэ сэрии толоонугар хаалбыта. Сүүһүнэн, тыһынчанан, мөлүйүөнүнэн сэбиэскэй дьон курдук красноармеец, рядовой саллаат үрдүк аатын сүгэн Ийэ дойду көмүскэлигэр тыыннарын толук уурбут аймах дьонум туһунан кэпсиэм.

Үс  ини- бии Афанасий, Анемподист, Афанасий Потаповтар Анемподист  уола Потапов Михаил Афанасьевич (Дьоппуон)  (1899 с.т.) Амма оройуонун Хомуос нэһилиэгэр перепискэ киирэ сылдьар. 

 «Дорога памяти» бырайыакка эргиллибэт сүтүк туһунан иһитиннэриигэ  тоҕо эрэ төрөөбүт сирэ  Якутская АССР, Амгинский р-н, Ночлег-Абега диэн киирэ сылдьар. Михаил Абаҕа кыыҺын Абрамова Дария Гавриловнаны кэргэн ылбыта биллэр. Онон Абаҕа нэһилиэгэр "Николай Партизан" колхозка үлэлии сылдьан  1942 с. Амма РВК  Аҕа дойду сэритигэр ыҥырыллыбыт.   247 нүөмэрдээх  Краснознамённай Рославльскай стрелковай дивизияҕа сулууспалаабыт 1943 сыллаахха олунньу ый 10 күнүгэр госпитальга өлбүт. Москва уобалаһын Шаховскай оройуонугар, Серединскэй поселениеҕэ көмүллүбут ,