Наҕараадалара:

• Сэрии бэтэрээнэ
• Үлэ бэтэрээнэ
• Албан аат III истиэпэннээх уордьаннаах
• Аҕа дойду Улуу сэриитин I истиэпэннээх уордьаннаах
• Элбэх бойобуой мэтээллэр кавалердара
• Саха Өрөспүүбүлүкэтин норуотун хаһаайыстыбатын үтүөлээх үлэһитэ
• Октябрьскай нэһилиэк Бочуоттаах олохтооҕо

  Мин хос хос эһэбинэн киэн туттабын

     Мин хос хос эһэм  Дмитрий Акимович Васильев 1914 сыллаахха төрөөбүтэ. 1935 сылтан комсомол чилиэнэ этэ. 1945 сыллаахха ССКП чилиэнэ буолбута.

        Хос хос эһэм 1941 сыллаахха бастакы ыҥырыкка ыҥырыллан Хотугу фроҥҥа сэриилэспитэ. Кыһыл Армия 995 нүөмэрдээх стрелковай полкатыгар сэриилэспитэ. Сэриигэ 2 сыл кэриҥэ сылдьан баран, 1943 сыллаахха муус устар ыйга бааһыран госпитальга сытан эмтэммитэ. Онтон устунан ол сайын дойдутугар эргиллэн кэлбитэ.

       Сэрииттэн эргиллэн кэлэн баран колхоз үлэтигэр үрдүк күүрүүлээхтик үлэлээбитэ. Ыччат наставнига этэ. Кэккэ сылларга оройуоннааҕы революционнай бойобуой Албан аат кулуубун чилиэнинэн талыллан үлэлээбитэ. Дьон – сэргэ ытыктабылын ылан Октябрьскай нэһилиэк Бочуоттаах олохтооҕо буолбута.

        Хос хос эһэм Аҕа дойду улуу сэриитигэр хорсуннук сэриилэспитин бойобуой наҕараадалара туоһулууллар. Кини 8 бойобуой уонна үбүлүөйүнэй мэтээллэрдээх. Улуу Кыайыы  40 сылыгар Аҕа дойду улуу сэриитин 2-с истиэпэннээх уордьанынан наҕараадаламмыта.

         Куочай нэһилиэгин хаалыыттан таһаарбытын иһин хос хос эһэбин Саха АССР Верховнай Сэбиэтин Бочуотунай грамотатынан наҕараадалаабыттара.

        Кини үтүө суобастаах үлэтэ үгүс грамоталарынан сыаналаммыта. Дьонун – сэргэтин ытыктабылын ылбыта.

         Хос хос эһэм аата – суола, үлэтэ – хамнаһа Акана нэһилиэгин историятыгар үйэтитиллибитэ.

         Мин хос хос эһэбинэн киэн туттабын!

Готовцева Инга,

Баайаҕа орто оскуолатын

3 кылааһын үөрэнээччитэ