8 оҕолоох,  Таатта улууһун Игидэй нэһилиэгэр төрөөбүтэ, үлэлээбитэ

 Наҕараадалара:

 Сэрии бэтэрээнэ

• Үлэ бэтэрээнэ
• ССКП чилиэнэ
• Нэһилиэк сэбиэтин депутатынан үлэлээбитэ
• «1941 – 1945 сылларга Аҕа дойду Улуу сэриитин кэмигэр килбиэннээх үлэтин иһин» мэтээллээх
• «Японияны кыайыы иһин» мэтээллээх
• Райсовет, райком Бочуотунай грамоталарынан наҕараадаламмыта

  Мин хос эһэм – сэрии бэтэрээнэ

             Хос эһэм Гермогенов Гавриил Иванович 1922 сыллаахха Игидэй нэһилиэгэр төрөөбүтэ. 1939 сыллаахха Игидэй оскуолатын сэттэ кылааһын бүтэрбитэ. Оскуоланы бүтэрээт, төрөөбүт колхоһугар үлэлээбитэ. Кини кыһынын Ааллаахха атынан таһаҕас таһыытыгар сылдьыбыта, сайынын окко үлэлиирэ.

       1942 сыллаахха сут – кураан дьыл буолбутугар Орджоникидзевскай оройуоҥҥа сылгы үүрэн тахсыһан кыстаабыта. Онтон 1943 сыллаахха Сэбиэскэй Аармыйа кэккэтигэр ыҥырыллыбыта. Хос эһээбин сэриигэ ыыппыттара. Кини Японияны утары сэриигэ кыттыбыта. Сэрииттэн 1946 сыллаахха төннөн кэлбитэ. Кэлээт даҕаны, колхоһугар салайар үлэҕэ үлэлээбитинэн барбыта.

      Хос эһээм барыта 20 сыл устата колхозка биригэдьииринэн, Сэбиэт бэрэссэдээтэлинэн, сэкирэтээринэн үгүс сыратын биэрэн туран үтүө суобастаахтык үлэлээбитэ.

        1945 сыллаахха ССКП чилиэнинэн киирбитэ. Хас да быыбардар усталарыгар нэһилиэк Сэбиэтин депутатынан талыллан быыбардааччылар ортолоругар элбэх үлэни ыыппыта.

        Хос эһэм Гаврии Иванович коммунист да, салайааччы да быһыытынан дьоҥҥо улахан авторитетынан туһанара. Кини 8 оҕо аҕата буолар, оҕолоро улаатан ыал – күүс буолан олороллор.

        Хос эһэм 1968 сыллаахха уһун ыарахан ыарыыттан өлбүтэ. Кини олоҕун оҕолоро, сиэннэрэ, хос сиэннэрэ салҕыыбыт.

        Мин хос эһэбинэн киэн туттабын!

Потапов Артур, Баайаҕа орто оскуолатын

4 кылааһын үөрэнээччитэ