Андросов Семен Константинович

8 оҕолоох,  Таатта  улууһун Баайаҕа нэһилиэгэр төрөөбүтэ

 Наҕараадалара:

• Сэрии бэтэрээнэ
• Үлэ бэтэрээнэ
• Саха АССР үтүөлээх учуутала
• Норуот үөрэҕириитин туйгуна
• «Билии» уопсастыба лектора
• ССКП чилиэнэ
• «Үлэҕэ килбиэнин иһин» мэтээллээх
• «Үлэҕэ туйгунун иһин» мэтээллээх
• «1941 – 1945 сылларга Аҕа дойду Улуу сэриитин кэмигэр килбиэннээх үлэтин иһин» мэтээллээх
• Барыта 7 правительственнай мэтээллэрдээх

Мин хос эһээбинэн киэн туттабын

      Мин хос эһээм Андросов Семен Константинович 1917 сыллаахха ыам ыйын 29 күнүгэр Таатта улууһун Баайаҕа нэһилиэгэр Кутаама үрэххэ төрөөбүтэ. 8 саастааҕар начальнай оскуолаҕа үөрэнэ киирбитэ.  1930 – 1931 сылларга дьону ааҕарга – суруйарга үөрэтэргэ улахан кылаатын киллэрсибит эбит. Тус бэйэтэ 27 киһини ааҕарга – суруйарга үөрэппит. 1933 сыллаахха икки ыйдаах учууталлар куурустарын бүтэрэн, Баайаҕа оскуолатыгар учууталынан үлэлээбит, ону тэҥэ үөрэҕирии салаатыгар инспекторынан үлэлээбит.

     1942 сыллаахха Чурапчытааҕы педагогическай училищены бүтэрбит.

     1943 сыллаахха Аҕа дойду Улуу сэриитигэр ыҥырыллан барбыт. 1943 – 1945 сылларга Забайкальскай байыаннай уокурукка сэриилэспит. Сэрии кэнниттэн 1957 сыллаахха Дьокуускайдааҕы педагогическай институту бүтэрбитэ.

      Кини Баайаҕа, Уус – Таатта, Ытык – Күөл оскуолаларыгар директорынан үлэлээбитэ.

      Мин хос эһэм улууска үөрэҕирии сайдарыгар улахан кылаатын киллэрсибитэ, ол курдук, үрдүк билиилээх, үлэтигэр бэриниилээх буолан улуус үөрэҕириитэ сайдарыгар сонун сүүрээннэри, саҥа чинчийиилэри, ньымалары балысханнык киллэрбитэ. Кини үлэлиир дьоҕура сайдан, билиитэ – көрүүтэ үрдээн оскуола директорынан, РОНО инспекторынан, методкабинет сэбиэдиссэйинэн өр сылларга үлэлээбитэ.

     1943 сыллаахха Аҕа дойдуну көмүскүүр Улуу сэриигэ саа – саадах тутан Ийэ дойдутун көмүскэспитэ. 1943 сыл бэс ыйыттан 1945 сыл ахсынньытыгар диэри Забайкальскай байыаннай уокурук 210-с дивизиятын 654-с артиллерийскай       полкатыгар   рядовой байыаһынан, онгтон кэлин сержанынан сулууспалаабыта. Маньчжурияны юосхолуур сэриигэ хорсуннук кыттыбыта.

       Мин хос эһэм ССКП чилиэнэ, үлэһиттэр депутаттарын нэһилиэктээҕи, оройуоннааҕы Советтарыгар депутатынан хас да төгүл быыбардаммыта.

       Кини дьон кыһалҕатыгар аһыныгас, амарах сүрэхтээх, уһулуччу тобуллаҕас, булугас өйдөөҕө.

      Мин хос эһэм үтүө майгыта – сигилитэ, тэрийэр – салайар дьоҕура, иитэр – үөрэтэр таһыма биһиэхэ улахан холобур буолар!

      Мин хос эһэбинэн киэн туттабын!

Апросимова Ирина, Баайаҕа орто оскуолатын

1 кылааһын үөрэнээччитэ