Александров Николай Егорович
Холхуоһунай, сопхуоһунай тутуу бэтэрээнэ, Аҕа дойду Улуу сэриитин кыттыылааҕа Николай Егорович Александров 1907 с. орто сэниэ ыалга төрөөбүтэ. Аҕата - Александров Егор, ийэтэ- Александрова Мария Ивановна. Николай Егорович бастакы холкуостары тэрийиигэ актыыбынайдык кыттан, бастаан бырабылыанньа чилиэнинэн, онтон 1932 - 1940 сс. Киров аатынан холкуос бэрэссэдээтэлинэн үлэлээбитэ. 1941- 1946 сс. Сэбиэскэй Армияҕа ыҥырыллан Японияны утары сэриигэ кыттан баран, Сахалиҥҥа 1946 с. диэри байыаннай эбийиэк тутуутугар сылдьыбыта. “Бойобуой үтүөлэрин иһин”, “Японияны кыайыы иһин” мэтээллэрдээх. 1946 - 1950 сс. Киров аатынан холкуоска бэрэссэдээтэллээбитэ. 1956 - 1957 сс. көмүстээх Алдаҥҥа биригээдэ сала-йааччытынан ананан барбыта. Алдан “Тыаханда” бириискэтигэр хайа үрдүттэн мас кэрдэн, шахта тирэҕэ, оттук, тутуу маһын таба көлөнөн таһан кыс устата үлэлээбиттэрэ. 40-н тахса тыһыынча харчыны өлөрөн киир-биттэрэ. Ол харчынан холкуос бырабылыанньата локомотив, провод ылан, электрическай мельница атыыласпыттар. Биир сыл иһинэн Тиэлиги бөһүөлэгэр дьиэ тутан, Куула фермаҕа, саһыл, сибиинньэ ферматыгар электрическэй уот киирбитэ. Кэлин кыһынын Хомустаах звенотугар от оҕустарааччынан, от звенотун салайааччытынан сылдьыбыта. Үчүгэй үлэтин иһин оройуон быыстапкатыгар киирэн хары чаһытынан наҕараадаламмыта. Николай Егорович сэрии иннигэр оройуон киинигэр икки этээстээх Райсовет дьиэтин уонна оройуоннааҕы балыыһа дьиэтин тутуспута. Холкуос сыыппаратыгар Амма суолун оҥорууга 1940 с. Ат Хаайбыт илин сыырын ханаабатыгар маһы илии эрбиитинэн хайытан 200 м уһуннаах суолу икки өттүнэн ыраас-таабыттара. 1972 - 1974 сылларга нэһилиэк кырдьаҕастара түмсэннэр типовой 200 миэстэлээх кулууп дьиэтин туппуттара. Николай Егорович онно эмиэ үлэлэспитэ. Николай Егорович элбэх кэпсээннээҕэ, элбэҕи билэрэ- көрөрө. Биллиилээх топонимист Иванов Михаил Спиридонович - Багдарыын Сүлбэҕэ хас да кэпсээни суруйтарбыта кинигэҕэ киирбитэ. 1962 с. Коммунистическай Үлэ ударнигын аатын ылбыта. Мэҥэ - Хаҥалас улууһун бочуоттаах олохтооҕо, сэрии кыттыылааҕа, үлэ бэтэрээнин быһыытынан элбэх мэтээллээх, наҕараадалардаах. Балтын Т.С.Пахомованы кытта олорон, кини оҕолорун, сиэннэрин атахтарыгар туралларыгар көмөлөспүтэ.
Кини уһуннук олорон 89 сааһыгар 1996 с. өлбүтэ, дойдутугар Тиэлигигэ көмүллэн сытар.
