А5а дойду сэриитин кыттыылаҕа, тыыл ветерана, Тоҕус нэьилэгин олохтооҕо Афанасьев Иван Прокопьевич.

Биьиги ийэбит Волкова Варвара Софроновна 1947 сыллаахха «Свердлов» учаастогын баьаар уота сиэбитигэр икки кыра о5олоох дьахтары «Молотов» колхозка Сиэт беьуелэгэр ыыппыттара. Онно керсен ыал буолаллар уонна 6 о5ону теретен эйэ дэмнээхтик олорон уйэлэрин монообуттара. А5абыт Афанасьев Иван Прокопьевич 1922 с. То5ус нэьилиэгэр Сиэт ете5ер тереебутэ, сытыары сымна5ас, улэьит, ата5ар сыты, от охсуутугар тэннээ5э ахсааннаа5а буолуо. О5о сырыттахпытына уоннуу хонуктаах стахановскай декадаларга от охсуутугар бастаан, отуутугар вымпела куруук баар буолааччы. Кини бастын улэьит буолан биьиги звено5а куруук звеноводтааччы. Кэпсииринэн А5а Дойду сэриитигэр ынырыллан, аара Иркутскай дуу, Читинскэй дуу уобаласка доруобуйатынан сыыйаннар аттаах армия5а барар сылгылары керуугэ сылдьан баран, сурэ5инэн сыыйыллан дойдутугар кэлбитэ, 3 группалаах инвалид буолбута. Онон уоттаах сэриигэ киирбэтэх ол гынан баран, а5а Дойду сэриитин кыттыылаа5а.

Биьиги билигин сааьыран, се5ебут, хайдах биьигини ыарахан бириэмэ5э, аас-туор сылларга, ыраах суола-ииьэ куьа5ан, ферма5а олорон, колхозка улэлии сылдьан биьигини атахпытыгар туруоран урдук уерэххэ уерэттэрэн, дьон онортообута буолла диэн. А5абытын ыкса киэьээ эрэ керербут, сарсыарда эрдэ баран ферма тас улэтин улэлиирэ онтон эбинээри бултуура, уксэ андаатар, тиин, куобах, саьыл буолара. Убайбыт Уйбаан хороччу улаатан баран а5атыгар кемелеьееру андаатардаьар этэ. Быраат Проня оскуола5а уерэнэ сылдьан суббуота5а куруук ете5ер Сиэткэ дьонугар кэлэрэ, аара айаннаан иьэн, куруук капканныыра. Еруу бултуйара. Кэлин оскуоланы бутэрэн, армия5а сылдьан кэлэн баран сорсуннаах булчут буолбута.   

Биьиги о5олор бары ким теье кыайарынан дьоммутугар кемелеье сатыырбы: сайын оттоьон, кыьын дьиэ ис-тас еттугэр улэлэьэн.

Билигин биьиги аймах элбэхпит, сиэннэр, хос сиэннэр. Муьуннубут да а5абытын, эьээбитин, ийэбитин, эбээбитин куруук ахтабыт – саныыбыт. «Бессмертный полк» хаамыытыгар сиэннэрбит уерэ-кете кытталлар уонна эьээлэринэн киэн тутталлар. А5абыт ситэ олорботох оло5ун о5олорбут, сиэннэрбит, хос сиэннэрбит олоруохтара диэн эрэллээхпит!

Ахтыыны суруйдулар: о5олоро, сиэннэрэ, хос сиэннэрэ