Колесов Иван Михайлович
Биьиги эьээбит Колесов Иван Михайлович Нам улууьун 1-Хомустаах нэьилиэгэр, Елеене уонна Мэхээлэ Колесовтар диэн ыалга 1906с. тереебут. Былыргы олохторо «Мо5уруот» диэн эбит. Ийэлээх а5алара икки уол о5ону тереппуттэр. Кыра уоллара Мэхээлэ (Колесов Михаил Иванович) диэн, биьиги эьээбититтэн 6 сыл балыс эбит. Эьээбит кэпсииринэн кулаахтааьын са5ана тойоттор кэлэн дьэндьийэн баран, тугу да булбакка ийэлэрин холбуйатын таьырдьа таьааран то5о бырахпыттар. Улахан уол, биьиги эьээбит, былдьаьан кербут да кыайан ылбатах, онно туох да суо5унан кулаах онорботохтор. А5алара эрдэ елбут, ийэлэрэ тыыннаа5ар «Мо5уруокка» олорор кэмнэригэр эьээбит II Хомустаахтан Трапезникова Дарья Николаевнаны керсен ыал буолаллар. Бастакы кыыс о5олоро эрдэ кыра эрдэ5инэ елбут. Онтон утуу-субуу икки уол о5олору теретеллер, биирдэ улэлии барбыттарны кэннэ, о5олор бэйэлэр хаалбыттар. Ол бириэмэ5э холорук туннугунэн киирэн аанынан тахсыбыт. Онтон ер буолбакка биир уоллара ыалдьан елбут уьу. Хаалбыт уол таайбыт Виктор (Октябрь) диэн. Холхуос са5ана «Мо5уруокка» баар дьиэлэрин тула бурдук бааьыната эбит, онно салалтаны кытта кэпсэтэн, дэриэбинэ5э баар дьиэни кытта атастаьан, диэриэбинэ5э кеьен киирэллэр. Ол «Мо5уроукка» баар дьиэ бурдук ыьааччыларга отуу дьиэтэ буолан турбут.
Холхуос тэриллибитин кэннэ Илья Егорович Винокуров дьону хомуйан тырахтарыыс идэтигэр уерэттэрэр. Онно биьиги эьээбит уерэнэн тырахтарыыс буолар. Ол са5ана холхуостарга сана ЧТЗ тыраахтардар кэлэллэр. Биьиги эьээбит онно тырахтарыыстыыр. Тырахтарыыстыыр кэмигэр тыраахтарын бааьына5а ханан улэлээн тохтуур да, онно хаалларан дьиэтигэр киэьээ сатыы кэлэр. Сарсыарда эрдэ туран сатыы барар, онон холхуоска геруучэй экономиялаан диплом 3 степенинэн на5араадаланан МТС бочуот кинигэтигэр киирэр. Ол 3 грамотата билигин да баар. Кэнники Наати тыраахтарга улэлиир. Трактористыыр кэмигэр элбэх грамоталар бааллара, дэлби суппуттэр.
1-Хомустааха олорор ветеран Колесов Семен Семенович этэринэн, 1941 сыллахха биэс Колесовтар армия5а повестка туппуттар. Олорбут сирбитигэр бэлиэ хааларабыт диэн, харыйа олордубуттар уонна сарсыарда туран армия5а барбыттар. Икки киьиэхэ отсрочка биэрэн, холхуоска тырахтарыыс наада диэн хаалларбыттар. Онтон биирдэстэрэ биьиги эьээбит - Колесов Иван Михайлович.
Эьээбит 1943 сыллаахха иккиьин ынырыллан барар, онно барарыгар эбээбит уолунаан сыар5алаах атынан Намна илдьибиттэр. Намна оскуола олбуоругар дьон бе5е мустубут, онтон стройдатан баран Граф биэрэгэр борохуотка сатыы иппиттэр. Бастаан Ар5аа фронна тиийэр, Урал диэки тырахтарыыс буолан тыраахтар заводугар сэриигэ алдьаммыт танкалары ремоннуурга сылдьыбыт. Куннэ биирдэ аьата-аьата алдьаммыт танкалары ремоннаан тахсаллар уьу. Ар5аа сэрии буппутун кэннэ, онтон аны Дьоппуон сэриитигэр тиийэр. Даурия5а тиийбит, билиэн ылбыт дьоппуоннары харыбыллаабыттар, ону дьоппуоннар елерумэн диэн кердьеьеллер уьу. Дьоппуон сэриитэ бутэн, икки мэтээллээх дойдутугар теннер. Кэлэн иьэн Иркутскайга бииргэ тереебут быраатын керсен уеруу бе5е, иккиэн хаартыска5а туспуттэр.
Сэриигэ баралларыгар олордубут харыйалара арчылаан - араначчылаан бэьиэн тыыннаах теннен кэлбиттэр. Ол харыйа «Мо5урокка» уунэн-уьаан турар. Билигин ыччаттара керен, харайар иэстээхпит.
Биьи эьээбит уопсайынан чэнчис, куруук хап-хара баттахтаах сылдьара. А5ыйах саналаах, сурдээх улэьит этэ. Эбэлээх эьээбит этиьэ, кыыьырса сылдьалларын биирдэ да истибэтэхпит. Бэйэлэрин убаастаьа, туору дьону кытта сыьыаннара эмиэ учугэй этилэр. Эбээбит холхуоска ыанньыксыттаан, ньирэй корон, бурдук быьан, быа хатан улэлээбит эбит. Кинилэр ус о5олоохтор (биир кыыс икки уол). 1-Хомустаахха дьиэлэрин атыылаан баран Бартыьаанна кеьен кэлэн олороллор. Онно олорон бастаан холхуос улэтигэр, онтон совхоз улэтигэр пенсия5а тахсыахтарын диэри улэлииллэр. Эьээбит Бартыьаан нэьилиэгэр уот станциятын бастакынан улэлэтэр. Сарсыарда еттугэр уонна киэьээ уон икки чааска диэри улэлэтэр этэ. Кэнники МТС диэн баар буолбута, онно холхуос, совхоз тыраахтардарын ремонугар улэлээбитэ. Кэнники мотористыыр, дробилка5а талах кырбатар этэ. Онтон ууска кемелеьен тыраахтар саппааьын онорор этэ. Кэнники дьиэтин таьыгар конюшнятыгар сылгы аьатар этэ. Онон биьиги эьээбит - Колесов Иван Михайлович улэ бе5етун улэлээбит киьи. Улэлээбит кэмигэр на5араадалара: 1. Свидетельство о занесении в книгу Почета - за достигнутые высокие производственные показатели в социалистическом соревновании, занесен в Книгу Почета в ноябре 1955 г. 2. Диплом 3 степени Намской районной сельскохозяйственной выставке, решением Исполкома Намского районного Совета депутатов трудящихся Якутской АССР в 1955 году.
Ахтыыны суруйда Константинова Евдокия Егоровна.
Кулун тутар 26 кунэ 2020 сыл. Бартыьаан боьуолэгэ Нам улууьа.
