Биир дойдулаахпыт буойун, сэрии бэтэрээнэ КАСЬЯНОВ НИКОЛАЙ ВАСИЛЬЕВИЧ 1926 сыллаахха Бүлүү оройуонун Тылгыны нэһилиэгэр Орто Уруучаан диэн сиргэ төрөөбүтэ. Кини Касьянов Василий Николаевич улахан уола. Сэрии кыһарҕаныгар Тылгыны оскуолатыгар түөрт кылааһы бүтэрбитэ, салгыы үөрэммэтэҕэ. Николай оҕо-эдэр сааһыгар "Чапаев" холкуоска араас үлэҕэ үлэлээбитэ. Аас-туор олох охсуутугар, ол иннигэр ийэтэ өлөн, түөрт оҕо тулаайах хаалбыттара. Аҕа киһи буолан кини бииргэ төрөөбүттэрэ тыыннаах ордоллоругар күүс-көмө буолбута. Кини 1945 сыл муус устар ыйга аармыйаҕа ыҥырыллыбыта, ол ыҥырыллан Японияҕа сулууспалаабыта. Онно түөрт сыл сулууспалаабыта, онтон демобилизацияланан баран, Дьокуускайга милицияҕа үлэлээбитэ, кэлин уурайан, Дьокуускай куорат бөдөҥ тутууларыгар тутааччынан үлэлээбитэ. Иркутскай диэкиттэн кэргэн ылан икки уол, биир кыыс оҕоломмуттара. Дьокуускайга олорон ыалдьан өлбүтэ. Кини олоҕун оҕолоро, хос сиэннэрэ, хос-хос сиэннэрэ салгыыллар. Биир дойдулаахпыт Касьянов Николай Васильевич аата биһиэхэ умнуллубат.
