Биир дойдулаахпыт, буойун ЗАХАРОВ ИВАН НИКОЛАЕВИЧ 1910 (1918) сыллаахха төрөөбүт. Куобах Уйбаан диэн ааттааччылар. Үгүлээккэ ыал буолан олорон армияҕа ыҥырыллан барбыт. Калининскай уобаласка Урдом диэн дэриэбинэҕэ сэриилэһэ сылдьан, 1942 сыл ахсынньы 1 күнүгэр өлбүтүн туһунан биллэрии кэлбит. Киниттэн Захарова Мария Ивановна диэн 1937 сыллаахха төрөөбүт кыыс оҕо хаалбыт. Бүлүүтээҕи педучилищены, СГУ ИФФ үөрэнэн бутэрбит, Мэҥэ-Хаҥалас Төхтүрүгэр ыал буолан олорбута. 1981 сыллаахха ыалдьан өлбүтэ. Кини түөрт оҕото үөрэхтээх, улэһит дьон. Билигин бары ыаллар, үрдүк үөрэхтээх үлэһиттэр. Ити оҕолортон Надежда Россия потребкооперациятын туйгуна, икки оҕолоох. Анна Үгүлээккэ Афанасьев Максим Степановичка кэргэн тахсыбыта, икки оҕолоохтор. Анна - нолуок сулууспатын бэтэрээнэ. Эбэтин аатын сугэр кыыс оҕото Мария РГУНиГ им. Губкина (Москва) бутэрэн баран, Администрация Главы и Правительства Республики улэлии сылдьар. Евдокия - омук тылын учуутала, Республика үөрэҕириитин туйгуна, үс кыыс  оҕолоох. Соҕотох уол Иван Холмогоров СГУ ГРФ үөрэнэн бутэрбитэ, биир оҕолоох. "...Стрелок, красноармеец Захаров М.Н., ...погиб 1 декабря 1942 г. в бою за Социалистическую  Родину, верный воинской присяге, проявив геройство и мужество. Похоронен в деревне Урдом Молодотудского района Калининской области." - маннык извещение сэрииттэн дьонугар кэлбит этэ. Захаров И.Н. Тылгыныга аймахтара Васильев Д.Е.-Миитээ, Захаров Василий, Спиридонова Елизавета бааллар. Сэрии хонуутугар хаалбыт биир дойдулаахпыт, буойун Захаров И.Н. олоҕун соҕотох кыыһа Мария оҕолоро, сиэннэрэ, бары ыччаттара салгыыллар. Кини аата дойдутугар умнуллубат.