Севостьянов Прокопий Васильевич

– Мин 1928 сыллаахха алтынньы ый 14 күнүгэр I Малдьаҕар нэһилиэгэр Бэчиэкэн дэриэбинэтигэр дьадаҥы кэргэҥҥэ төрөөбүтүм. 1935 с. 1-кы кылааска үөрэнэ киирбитим. 1942–1943 сс. Булгунньахтаах ситэтэ суох орто оскуолатын сэттис кылааһын бүтэрбитим. 1943 с. сайыныттан I Малдьаҕарга Бэчиэкэҥҥэ «Правда» колхозка үлэбин саҕалаабытым, 1950 сылга дылы хонуу үлэтигэр, кыһынын Далгычыакка 7 сыл үлэлээбитим, сайынын от үлэтигэр. 1951 сыллаахха 6 ыйдаах младшай ветфельдшер үөрэҕэр үөрэнэн баран 8 сыл «Правда» колхозка ветеринарынан, онтон 1962 сыллаахха Төҥүлүтээҕи профтехучилищены бүтэрэн баран 2 сыл ветеринарынан, 7 сыл ферма биригэдьииринэн Тойон Арыыга үлэлээбитим. Совхоз тэриллибитигэр 3 сыл ыччат сүөһү биригэдьииринэн, ол кэнниттэн 7 сыл субан бостуугунан, онтон ферма бостуугунан, пенсияҕа тахсан баран киин ыскылаакка охраннигынан билиҥҥэ дылы үлэлиибин.

Колхозка үлэлиир бириэмэбэр 1947 сыллаахха «Үлэҕэ килбиэнин иһин» мэтээлинэн, хас да бочуотунай грамотанан, харчынан, малынан  бириэмийэлэммитим.

«Аҕа дойду сэриитин 40 сыла»  юбилейнай медалынан, райком, комсомол обкомун, райсовет грамоталарынан наҕараадаламмытым.