Скрыбыкина Мария Николаевна (1904-1997 сс.), Таатта оройуонун Саһыл нэһилиэгин "Жданов" холкуоска сэрии сылларыгар төһүү ыанньыксыт буолан, "Аҕа дойду Улуу сэриитин 1941-1945 сс. Килбиэннээх үлэтин иһин" 10.06.1947 с. мэтээлинэн наҕараадаламмыт. Мария Николаевна кэргэнэ Петр Прокопьевич сэрии бастакы сылларыгар ыҥырыллан, арҕаа фроҥҥа тиийэн, сураҕа суох сүппүттэргэ киирбит. Онон Мария Николаевна сэрии огдооото буолан, оҕолорун бэйэтэ атахтарыгар туруорар. Мария Николаевна күүстээх санаалаах, иһиттэн тулуурдаах уонна үлэһит буолан, өр сылларга оҕо тэрилтэтигэр үлэлээбитэ. Бэйэтэ сүрдээх уһуннук олорбута. Мария Николаевнаны төрөөбүт сирин дьоно-сэргэтэ, кыыһа, сиэннэрэ. хос сиэннэрэ умнубаттар.