Скрыбыкина Евдокия Герасимовна (1887 с.), Таатта оройуонун Саһыл нэһилиэгин  "Жданов" холккуос төһүү үлэһитэ, эр дьону кытта тэҥҥэ ыарахан үлэҕэ сылдьыбыт. Евдокия Герасимовна сүрдээх хорсун, түргэн-тарҕан кыайыгас туттунуулаах буолан, тыаттан мас уонна  хотоннорго от тиэйиитигэр,  ноһуому буолакка тиэйии-тарҕатыы үлэтигэр эр киһилии күүстээхтик үлэлээбит. Евдокия Герасимовна икки уола утуу-субуу фроҥҥа бараннар, иккиэн арҕаа фроҥҥа сэрии уотугар сырдык тыыннара быстыбыт. Артем диэн уола Псковскай уобаласка  Подберезье дэриэбинэҕэ көмүллэн сытар. Оттон Василий  сураҕа суох сүппүттэргэ киирбит.  Евдокия Герасимовнаны төрөөбүт Кытылын дьоно-сэргэтэ умнубаттар.