В тылу ковали Победу

 
 
Годы жизни: 1901 - 1999 гг
Воинское звание: -

Стручкова Дария Афанасьевна 1901 сыллаахха күһүн Мэҥэ-Хаҥалас улууһун Доллу нэһилиэгэр төрөөбүтэ. Кини оҕо сааһа Өктөөп революциятын иннигэр ааспыта. Уон аҕыс саастааҕар кэргэн тахсан уончата оҕоломмута да, оччотооҕуга эмп-томп суох буолан, биир да оҕото тыыннаах хаалбатаҕа. 1930 сыллаахха Доллу нэһилиэгэр бастакы колхозтар тэриллибиттэрэ. Ол Арыылаах колхуоска кэргэнэ Птицын Федор Михайлович бэрэссэдээтэлинэн талыллыбыта. Онно эбээбит, Даайа колхуостаах буолан, биэс ынахтарын холбоон, сүөһү көрөөччүнэн уонна ыанньыксытынан үлэлээбитэ.

     Аҕа дойдуну көмүскүүр Улуу сэрии ыар-сут сылларыгар, кэргэнэ сэриигэ өлөн, соҕотох хаалбыта. Сут-кураан сылларга олус кыһалҕалаахтык олорон, 1943 сыллаахха иккистээн биһиги эһээбитигэр Стручков Дмитрий Николаевич-I (Тойон Уол) диэн огдообо киһиэхэ, кэргэн тахсыбыта. Уонна иккиэн фроҥҥа көмөлөһөн Төҥүлү эбэҕэ уонна Өлүөнэ өрүскэ балык бултааһыныгар үлэлээбиттэрэ. Онно эһээбит биригэдьиирдээн, государствоҕа сүүһүнэн тонна көмүс хатырыктааҕы туттаран, тыылга хоргуйбут дьон үрүҥ тыыннарын өрүһүйбүттэрэ, фроҥҥа күргүөмнээх кыайыыны уһансыбыттара. Таһаарыылаах үлэлэрин иһин балаҕан ыйын 25 күнүгэр 1946 сыллаахха 1941-1945 сс. Аҕа дойду Улуу сэриитигэр килбиэннээх үлэтин иһин диэн мэтээлинэн иккиэн наҕараадаламмыттара. Кинилэр сэрии кэнниттэн Максим Горькай аатынан колхозка илиилэрин араарбакка 1957 сыллаахха диэри, Майаҕа   көһөн кэлиэхтэригэр диэри, улэлээбиттэрэ. Эһээбит 1962 сыллаахха ыалдьан бу сиртэн барбыта. Эбээбит, Стручкова Дария Афанасьевна 98 сааһыгар диэри сиэннэрин, хос сиэннэрин көрөн-истэн дьоллоохтук олорбута.

Годы службы: -
Место рождения: Долдинский наслег Мегино-Кангаласского района ЯАССР
Место призыва: -
Место службы: -
Боевые награды: медаль "За доблесный труд в ВОВ 1941-1945 гг"
ПОДЕЛИТЬСЯ СТРАНИЦЕЙ