1941-1945 сс. Аҕа дойдуну көмүскүүр Улуу сэрии кэмигэр таба көрөөччүннэн үлэлээбит. Утуйар уутун умнан, бэйэни харыстаммакка үлэлээбитэ тыыл ветерана. Сэтинньиттэн ыам ыйыгар диэри Орто халыма, Абый, Аллараа Халыма оройуоннарыгар, Чукоткаҕа тиийэ табаларын мэччитэллэр, көрөллөр эбит. Сахалыы, эбэннии, чукчалыы, юкагирдыы уонна нууччалыы холкутук кэпсэтэр буолан, табалары Чукоткаттан аҕаларга көмөлөһүннэрбиттэр. Сэрии сылларыгар дойду оборонатын туһугар харчыны, күндү түүлээҕи туттарбыта. Коммунистическай үлэ ударнига.

Кэргэнинээн Мария Николаевна Ефимовалыын сэттэ оҕону төрөппүттэрэ уонна ииппиттэрэ, Анастасия-1933 с., Марфа-1937, Пелагея-1939, Дария-1946, Евдокия-1949, Гаврил-1952, Василий-1956.