Семенов Константин Васильевич (1898 - 1982 сс.), Сунтаар оройуонун II–Дьаархан нэһилиэгэр төрөөбүт. «II Пятилетка» колхоһугар биир бастакынан киирбит. Сэрии ыар сылларыгар Мухтуйанан, Ньүүйэнэн, Ленскэйинэн, Көмүстээх Алданынан колхоз арыытын, этин тиэйэн илдьэн атыылаан күүһүн-күдэҕин харыстаабакка тыылга үлэлээбит. "Аҕа дойду Улуу сэриитин 1941-1945 сылларыгар Килбиэннээх үлэтин иһин" мэтээлинэн наҕараадаламмыт. Константин Васильевиһы төрөөбүт сирин дьоно-сэргэтэ умнубаттар.