Иванова (Самсонова) Анна Петровна (1932-2014), Акулина, Петр Самсоновтар сэттис, кыра оҕолоро. Кыра сааһыттан олох ыараханын амсайан улааппыта. Убайа Никифор сэриигэ барбыта иккис сылыгар утуу-субуу ийэлээх, аҕата өлөннөр, кыһалҕаны билбитэ. Саамай өйдүүрэ убайдара уоттаах сэриигэ барыылара. Никифор курбуу курдук уһун (180-ча) стройга иккис, онтон убайа Өлөксөй ортоку турарын харахпар билигн да көрөбүн, - диэн кэпсиир эбит. Анна Петровна 19-с сааһыттан колхуоска араас үлэҕэ үтүө суобастаахтык үлэлиир. Үгүс сыл үүт собуотугар арыы астааччынан түбүгүрбүтэ, сыратын, кыһамньытын биэрбитэ. Балаҕаччыга төрөөбүт Иван Ивановичтыын олохторун холбоон дьоллоохтук олорон 7 оҕоломмуттара. Кэргэнэ Уйбаан атаҕынан олус кыаллар, кытыгырас, быһый уонна үлэһит бэрдэ киһи соһуччу оһолго түбэһэн олохтон туораабыта. Уйбаанабыһы нэүилиэк дьоно бары аһыйбыттара. Анна Петровна 7 оҕотунаан туран хаалбыт кэмигэр аймахтара, бар дьоно өйөөн оҕолору барыларын атахтарыгар туруорбуттара. Билигин уолаттар нэһилиэги тутан олорор дьоһун үлэһиттэр. Улахан уол Николай Ивановичөр сылларга ПК салайааччытынан, иккис уол Константин Иванович тыа хаһаайыстыбатын үтүөлээх сылгыһыта, Василий үрдүк үөрэхтээх учуутал, атыттар трктористар - хоһуун үлэһиттэр, соҕотох кыыс Зоя Ивановна үлэһитэ, аймаҕы ситимниир киһибит. Эдьиийбит Анна Петровна 80 сааһыгар диэри олрон, үлэһит буолбут оҕолоругар, элбэх сиэн, хос сиэн тапталыгар, болҕомтотугар бигэнэн дьоллоох олоҕу билбитэ. Самсон аймах  эйэлээх олоҕу уһансыбыт  аҕа саастаах ытык дьоммутугар махталбыт муҥура суох, кинилэр Албан ааттарыгар Махтанабыт, Сүгүрүйэбит!