Мин, Мазенцева Евдокия Гаврильевна, 1935 сыллаахха Саалтааныга төрөөбүтүм.

Биһиги бииргэ төрөөбүттэр 14 этибит, мин иккис оҕобун. Алта саастаахпар, ол эбэтэр 1941 сыллаахха, сэрии саҕаламмыта. Ол кэмтэн хас биирдии оҕо эмискэ улаатаммыт бары үлэһит буолбуппут. Мин бастаан «Ленин суола» колхуоска подвалга хортуоска ыраастааһыныгар, табах кулгаахтааһыныгар, хаппыыста үөнүн ичигэстииргэ үлэлээбитим. Кэлин оҕус сиэтиитигэр уонна бурдук тардыытыгар үлэлээбитим. Ити үлэлэртэн саамай ыарахана оҕус сиэтиитэ этэ. 1943 сыллаахха Саалтааны оскуолатыгар үөрэнэ киирбитим. 1947сыллаахха Саалтааны оскуолатын 4 кылааһын бүтэрэн, Чаппанда оскуолатыгар 5-с кылааска салгыы үөрэнэ киирбитим. Үөрэнэр баҕаттан Саалтааныттан сатыы эргийэн сылдьарым. Биир сыл оннук үөрэнэн баран тохтообутум. Онтон ыла бастаан колхуоска, онтон совхозка 40 сыл тохтообокко ыанньыксыттаабытым. 11 оҕону төрөтөн, иитэн Герой-ийэ аатын ылан, Үлэ ветерана, Чаппанда нэһилиэгин бочуоттаах олохтооҕо буоламмын төрөөбүт Саалтааныбар олоробун. Кыайыы 70 сылыгар 80 сааспын туолабын, Кыйыыны уһансыыга бэйэм сэмэй кылааппын киллэрбиппинэн киэң туттабын. Үүнэр көлүөнэҕэ куруук эйэлээх халлааны баҕарабын, эһиги оҕо сааскытын сэрии ыар тыына саппаҕырдыбатын!

Сидорова Татьяна Дмитриевна, Н.Т. Степанов аатынан литература-фольклор музейын салайааччытын матырыйаалыттан