Сэрии оҕото, тыыл бэтэрээнэ

(1934-1998 сс)

1934-1998 ссФедорова Капитолина Семеновна атырдьах ыйын 21 күнүгэр 1934 сыллаахха Лиэнинскэй оройуонун Ньурба сэлиэнньэтигэр Федоровтар дьиэ кэргэттэригэр бастакы оҕонон төрөөбүтэ.

Оҕо эрдэҕиттэн үлэни өрө тутан, хайдахтаах да үлэттэн толлубата. Амарах аҕата Федоров Семен Михайлович, биэс саастааҕар өлбүтэ. Ийэтэ Дария Николаевна үс оҕолоох огдообо хаалбыта.

Капитолина Семеновна оҕо эрдэҕиттэн олус ирдэбиллээх, ыал улахан оҕото буолан эппиэтинэстээх, ылсыбыт дьыалатын тиһэҕэр тирирэрдэрэ.

Саамай сөбүлүүр дьарыга сибэкки олордуута этэ. Кинилэр дьиэлэрин түннүгэ сайыннары-кыһыннары сибэкки дьэрэкээн өҥүнэн туолара.

Иллэҥсийдэ да хаһыат, кинигэ ааҕара. Дьиэлэригэр  библиотекалаахтара. Онно араас политиктар, биллиилээх дьоннор тустарынан кинигэлэр бэрээдэктэнэн, алфавитынан турар буолара. Төһө да анал үөрэҕэ суох буоллар, политиканы олус интэриэһиргиирэ. Дьиэбит иһигэр «Огонек», «Комсомольская правда» хаһыаттары ааҕан ырытарбыт, сийиэстэри телевизорынан көтүппэккэ көрөрбүт. Бу холобуругар үөрэнэн, иитиллэн, ииппит сиэнэ кини туйаҕын хатаран, юрист идэлээх.

Капитолина Семеновна сэкиритээр-машинист курсугар үөрэнэн баран, бочуоттаах сынньалаҥҥа тахсыар диэри, отут сыл устата райкомолга бэриниилээхтик үлэлээбитэ.

Үлэтигэр бэриниитин иһин элбэх махтал суруктардаах, мэтээллэрдээх. 1992 сыллаахха  тыыл бэтэрээнэ буолбута.

1998 сыллаахха ыам ыйын 15 күнүгэр уһун, ыарахан ыарыыттан олохтон туораабыта.