В тылу ковали Победу

 
 
Годы жизни: 1916 - 1995

Петрова (Варламова) Анастасия Платоновна 1916 с. дьадаҥы бааһынай кэргэнигэр Чурапчы улууһугар төрөөбүтэ. Дьоно кыаммат буолан оскуолаҕа кыайан үөрэммэтэҕэ. Кыра эрдэҕиттэн холкуоска араас үлэлэргэ барытыгар үлэлээбитэ. Аҕа дойду Улуу сэриитин иннинэ да, кэнниттэн да  Чаачыгый холкуоска ыанньыксыттаабыта. Ол түмүгэр үлэҕэ ситиһии мэтээлинэн наҕараадаламмыта.

Чурапчы көһөрүллүүтүгэр 1942 – 1944 сылларга Кэбээйигэ Куокуйга балык биригээдэтигэр сылдьыбыта. Онно үлэлээбит үлэ, олорбут олох эрэйэ-муҥа олоҕун тухары умнуллубатаҕа.  Аҕа дойду Улуу сэриитигэр баран сэрии толоонугар охтубут  кэргэнин Федоров Павел Павлович ийэтэ Мавра баар буолан тыыннаах ордубутум диэн кэпсиирэ.

Кэбээйиттэн кэлэн баран Чаачыгыйынан, Хомустааҕынан ыанньыксыттаабыта. 1947 сыллаахха трудовой фронтан эргиллэн кэлбит үтүө майгылаах, бастыҥ үлэһит  Петров Василий Васильевичка кэргэн тахсыбыта. Үс уол, икки кыыс оҕоҕо күн сирин көрдөрбүтэ. Кыргыттар үөрэхтэнэн, Анна Васильевна Неустроева өр сылларга физика учууталынан таһаарыылаахтык үлэлээбитэ, Уус – Алдан улууһун Өнөр нэһилиэгэр бочуоттаах сынньалаҥҥа олорор. Парасковья Васильевна Алдан куоракка бырааһынан үлэлиир. Уолаттара Николай Васильевич, Алексей Васильевич Нуораҕанаҕа олохсуйан олороллор. Бары ыал буолан оҕолоругар, сиэннэригэр ийэлээх аҕаларын үтүө холобур оҥостоллор.

Место рождения: Чурапчы улууһун Мугудай нэһилиэгэ
ПОДЕЛИТЬСЯ СТРАНИЦЕЙ