Биhиги ийэбит Луковцева Ольга Дмитриевна 1930 с. бала5ан ыйын 8 кунугэр Чурапчы оройуонугар Чакыр нэhилиэгэр «Хоспохтоох» алааска Карповтар диэн ыалга бэhис о5онон торообут. Чакыр 4 кл начаалынай оскуолатыгар икки кылааhы бутэрбит. Мэниктиир – тэниктиир о5о сааhа алдьархайдаах алдьатыылаах, суостаах – суодаллаах сэрии сылларыгар тубэhэн аhыыр ahаабат, таннар танныбат да сырыттар «Кыайыы» туhугар диэн улахан дьону кытта тэбис – тэннэ улэлэhэн чиэhинэй, сурэхтээх кыыс диэннэр холобурга сылдьыбыт. Оннук турардыын – турбаттын сааскы ыhыыга «Иэкэ» алааhыгар сырыттахтарына Кыайыы буолбут, сэрии буппут диэн наарыhынай уол суурэн кэлэн иhитиннэрбит.

Ити курдук кыратыттан куустээх улэ5э эриллэн эйэлээх кэм кэлбитигэр оссо ордук туруулаhан улэлээн биир бастын ыанньыксыт буолар. Ол курдук «1941-1945 сс. А5а дойду улуу сэриитин кэмигэр килбиэннээх улэтин иhин», «Улэ ветерана» уонна икки юбилейнай мэтээллэринэн на5арааданалар. 1977 с. Бутун республикатаа5ы Социалистической куоталаhыы кыайыылаа5ынан буолар. Коммунистическай улэ ударнига, 1956 с. Бутун Союзтаа5ы Тыа Хаhаайыстыбатын быыстапкатын (ВДНХ) аhыллыытын кыттыылаа5а. Ону таhынан ССКП, Комсомол обкомнарын, Саха АССР министэрдэрин собиэтин, профсоюзтар уобаластаа5ы сэбиэттэрин, гелогия Саха сиринээ5и территориальнай управлениятын, Нерюнгри куораттаа5ы Советын исполкомун, Нерюнгриугольтрест, ССКП Чурапчытаа5ын райкомун, райсовет исполкомун, Комсомол райкомун, «Правда» колхоз, «Эрилик – Эристиин аатынан совхоз» Махтал суруктарынан, грамоталарынан, Бочуотунай грамоталарынан на5араадаламмыта. «Жигули» массыына фондатынан, кыраныысса таhыгар Финляндия5а тахсар путевканан бэлиэтэммитэ. Сэбиэсскэй Союз Герой куараттарынан хаста да сылдьыбыта. Нерюнгри к. чемпиона. Саха республикатын бастакы президена М.Н. Николаевтан «Э5эрдэ» сурук ылбыта. Ийэбит Ольга Дмитриевна ийэ буолуутун урдук уоруутэ «Ийэ мэтээлэ» 1, 2 степеннэринэн, «Ийэ Албан Аата» 2,3 степеннаах орденнарынан бэлиэтэммитэ буолар. А5абытынаан Николай Романовичтыын 43 сыл бииргэ олорон 8 о5ону торотон, 18 сиэннэнэн, 10 хос сиэннэнэн Орто дойду оло5ун толору олорон ааттарын ааттатар ыччаттары кэннилэригэр хаалларан сирдээ5и сиэрдэрин ситэрбиттэр.

Со5отохсуйуу.

 (Ольгам кэристэбил кунугэр)

   Ахтан – санаан кэллэхпинэ,

   Суохтаан ордук айманабын.

   Арыт туhээн кордохпунэ,

   Тыыннаах эбит дии саныыбын. 

                           Киирэн кэлиэ диэх курдук

                           Кэтэhэбин ээ, ол кун.

                           Таптыыр сурэх о5ордук

                           Суохтуур эбит оруутун.

           О5олонон, ыал буолан,

   Улэ – уоруу аргыстанан,

   Ойонсуhэн эн – мин дэhэн,

   Сылдьар – хонор ыалдьыттанан

                          Учугэйдик да5аны олорбуппут,

                          До5оруом, эн бааргар.

                          О5олорбутун котуппуппут

                          Олох сырдык аартыгар.

Ньукулай Хадаарыскай  (Н.Р. Луковцев)