Бочкарева Зинаида Васильевна (1927-1999) – Дьокуускай куоракка төрөөбүт, эрдэ тулаайах хаалан Мэҥэ Хаҥаласка Скрябиннарга иитиллибит. «Материнскай слава» уордьан I, II, III истиэпэннэрин, «Медаль материнства» I истиэпэнин, «Советскай Союз маршала Жуков», «За доблестный труд в Великой Отечественной войне 1941-45гг» мэтээллэринэн наҕараадаламмыт.
1944-1945 сс. Үлэ фронугар Орджоникидзевскай оройуон Иһит уонна Буотама диэн сирдэригэр «Коммуна суола» колхозтан барбыт. Мас кэрдэн, өрүс кытыытыгар таһан, тутуу маһын бэлэмнээһиҥҥэ үлэлээбиттэр. Холкуос ыарахан үлэтигэр, Рыбтрескэ Төҥүлү, Матта, Уһун Эбэ күөллэригэр балыктаспыт. Матта, Төҥүлү оскуолаларыгар саһаан тиэйбит. Уус Алдаҥҥа Маҥан Өтөх диэн сиргэ Саха Республикатын 25 сылыгар аналлаах ыһыахха сүүрүүгэ кыайан, мүһэ уонна харчынан бириэмийэ ылбыт.