В тылу ковали Победу

 
 
Годы жизни: 1915 г.

1915 с. Мэҥэ улууһун Дьабыыл нэһилиэгэр төрөөбүтэ. Кыра эрдэҕинэ тулаайах хаалан, үлэҕэ-хамнаска эрдэ эриллибитэ, бииргэ төрөөбүттэрин улаатыннарбыта.

Баишев Н.Н. кэргэн тахсыбыта. Сэрии сылларыгар Дьабыыл нэһилиэгин «Кыһыл Сардаҥа» холкуоһун үүт-табаарынай ферматыгар ыанньыксытынан үлэлээбитэ. Кини хотуулаах-кыайыылаах, барыга ылсар, норуот, судаарыстыба туһа диэн ханнык да үлэттэн толлубат саха хоһуун дьахтара этэ. Сэрии сут-кураан, кыһалҕалаах сылларыгар хас да сыл көрбүт ынахтарыттан төрүөхтэрин 100 бырыһыан ылары уонна тыыннаахтыы иитэри ситиспитэ. Ити сылларга уонна сэрии кэнниттэн үлэҕэ үрдүк ситиһиилэрин, үтүө суобастаах үлэтин иһин икки төгүл Саха АССР Үрдүкү Сэбиэтин Президиумун Бочуотунай грамотатынан наҕараадаламмыта, «Отличник социалистического сельского хозяйства» бэлиэни уо.д.а. наҕараадалары ылбыта. Сэрии кэнниттэн тута «1941-1945 сылларга Аҕа дойду Улуу сэриитин кэмигэр килбиэннээх үлэтин иһин» мэтээлинэн наҕараадаламмыта. 1947-1951 сс. Мэҥэ-Хаҥалас оройуонун Төҥүлүтээҕи быыбардыыр уокуругуттан Саха АССР Үрдүкү Сэбиэтин депутатынан талыллан үлэлээбитэ.

Кыайыыны уһансыыга, эйэлээх олоҕу тутууга Ийэ дойдутугар муҥура суох бэриниилээх үлэтинэн инники кэккэҕэ сылдьыбыта.

ПОДЕЛИТЬСЯ СТРАНИЦЕЙ