Максимова Ольга Петровна «Дьараанка» аҕа ууһуттан төрүттээх. Ольга хос эһээтэ Петров Ефрем Васильевич- Тэгэрээк, Мыыстыыр Баһылай ыччаттара. Ольга эһээтэ, Васильев Федот Ефремович. Аҕата Ефремов Петр Федотович-Чөрөкө (1857-1929). Бииргэ төрөөбүттэрэ: Ефремова (Тимофеева) Анна Петровна, Ефремов Петр Петрович-Быыкалыыр. Кэргэнэ, Максимов Петр Давыдович- Куолуһут, орто унуохтаах, толору эттээх-сииннээх, көнө, көрсуо, олус элбэх саҥалаах буолан «Куолуһут» диэн ааттаммыт. Бастаан ыал буолан баран Дириҥ Хомо диэн сиргэ сайылыыр, арыт кыстыыр эбиттэр. Онтон Мундуруччу урэ5ин оксойон ус костоох Тойон Уйалаах диэн сиргэ кыстык тэриммиттэр. Мундуруччу тордугэр бурдук ыьар сир оностуммуттар. Олом Аана диэн бааьына5а оруос бурдугу ыьан ууннэрбиттэр. Буотур убайдарыттан иккиэннэриттэн тыа түүлээҕин бултааһыҥҥа таһыччы чорбойоро. Тииҥи, саһылы, тайаҕы, кыыл табаны, бүүчээни, онтон да атын кыра булду уүчүгэйдик бултуура. Сүрдээх туттуулаах, бэргэн ытааччы, саатын тыаһа сүтэ илигинэ тохтоло суох ытара үһү. Сайын ортото тутуһуулаах эһэлэргэ (үс эһэҕэ) айаҕынан иитиллэр туукка саанан киирэн бултуура үһү. Кини сайдыылаах киһи буолан Дьөппөнүнэн, куоратынан, оройуонун иһинэн эргиммитэ биллэр. Аллаах дьоруо аттааҕа эбитэ үһү. Буотур былыргы саха ыалын сиэрин-туомун, майгытын бэйэтигэр иҥэриммит киһинэн биллэрэ.
Петр Давыдович (Куолуhут Бүөтүр), аатырбыт булчут, тыллаах-өстөөх, Лээгилэр иннилэригэр уктар киhилэрэ эбит. Сэбиэскэй былааска сир үллэhигэр дьокутаатытан талыллан улуус киинигэр Абаҕаҕа мунньахтыы киирэрэ. Ол сылдьан, тымныйан, орто сааhыгар, 50 тэн тахсан баран, 1939 сыллаахха улаханнык ыалдьан өлбүт. Кинилэр 7 оҕоломмуттар: Александра, Мария, Марфа, Афанасий, Егор, Ольга, Максим. Икки бастакы кыргыттара, Александра эдэр сааһыгар, Мария кыра эрдэҕинэ ыалдьан өлбүттэр.
Сэрии саҕаланарыгар, Ольга Петровна, 7 оҕолоох огдообо хаалан хаалар. Сэрии ыар сылларыгар, эр дьоннор бары сэриигэ барбыттарыгар, холхуоска эр дьон үлэтин барытын үлэлииллэрэ. Икки улахан уолаттара утуу субуу сэриигэ барбыттара. Кыргыттара, Марфа, Ольга, убайдара сэриигэ баран, ийэлэригэр көмө буолаары, үөрэммэккэ, 11-12 саастарыттан колхуос ыарахан үлэтигэр үлэлээн киирэн барбыттара.
