Көтүү  кэмигэр  араас  самолет  саахаллара тахсаллара. Оннук   түбэлтэҕэ   олохтоохтор   улахан  көмө    буолаллара .  Ол  курдук , Уус-Алдан улууһун Түүлээх   нэһилиэгэр  Балаҕаннаах   диэн  сайылыкка   самолет  саахалланан   кэлэн  түспүт , көмө  көрдөөбүттэр.  Суол-иис   суох    буолан , олохтоох   ууска     Бочкарев Андрей   Ивановичка-Уус  Өндөрөйгө   көрдөрөргө  быһаарбыттар. Уус   Өндөрөй   самолет  иһигэр   киирэн   алдьаммыт   тэрилин   көрөн ,  өрбөххө   суулаан    уһанар    дьиэтигэр илдьэ барбыт. Тохтоло суох үлэлээн, сарсыарда уһанан бүтэн, самолет чааһын олордон биэрбит. Самолеттара собуоттанан  бары үөрбүттэр-көппүттэр. Лүөччүктэр махтанан Уус Өндөрөй аатын-суолун суруммуттар. Бу  кэнниттэн Андрей Ивановиһы  оройуон киинигэр Бороҕоҥҥо үлэҕэ ыҥыран ылбыттар. Кэргэнэ эрдэ өлөн, оҕолорун (Иван,Семен, Анна, Василий аймахтарыгар Петуховтарга иитиллибитэ) илдьэ МТС-ка,  промкомбинатка өр  сылларга  үлэлээбит. Билигин кини дьонуттан биһиги улууспутугар  Бороҕоҥҥо, Курбуһахха сиэннэрэ, хос  сиэннэрэ бааллар.

Ити курдук, саха уустара омук да  техникатын өрөмүөннээбиттэр эбит. Биһиги кинилэринэн киэн туттабыт. 

"Аляска-Сибирь"    самолет  көтөр   трассата  үлэтин  1946  сыл  саҥатыгар  тохтоппута. Бу  трасса   Саха    сиригэр    авиация   сайдыытыгар   улахан    оруоллаах .                              

Бочкарев Айсен, 11 кылаас, "Мүрүтээҕи"Уолан" гимназия, Уус-Алдан улууһа, Бороҕон

Салайааччы: Бочкарева Г.С., үлэ бэтэрээнэ

От  ыйа, 2020 с.