Биһиги күн – күбэй ийэбит Павлова Анна Трофимовна Үөгэн нэһилиэгэр колхозтаах кэргэнигэр, 1942 сыллааахха атырдьах ыйын 10 күнүгэр күн сирин көрбүтэ. Кини дьиэтигэр соҕотох оҕо этэ. Кини 4 саастааҕар ыарахан ыарыыттан ийэтэ ыалдьан орто дойдуттан туораабыта. Олус кыра сааһыгар тулаайах хаалбыта. Кинини аҕата уонна 70- тан тахсыбыт кырдьаҕас эбэтэ уһун, ыарахан ыарыыттан ыадьан өлбүтэ онтон салгыы кыайан үөрэммэтэҕэ.1960 сылтан саҕалаан колхоз араас ыарахан үлэтигэр үлэлээбитэ: ньирэй көрүүтүгэр, фермаҕа үүт тутааччынан уо.д.а. 1961с. Олоҕун аргыһын Павлов Иван Григорьевичтыын көрсөн, дьоллорун холбоон ыал буолбуттара. 1963с. Саҕалаан пенсияҕа тахсыар диэри эргиэн салаатыгар уборщицанан үлэлээбитэ.
Биһиги ийэлээх аҕабыт сүрдээх сэмэй, үлэһит, эйэҕэс, эйэлээх дьон буолан, уон оҕону (8 кыыс, 2 уол) төрөтөн, киһи – хара гына иитэн, үөрэттэрэн, олох киэҥ аартыгар үктэннэрбиттэрэ. Маныаха ийэбит оруола улахан. Бу элбэх оҕолоох, сүөһүлээх – астаах ыал ийэтэ сарсыарда эрдэ туран, киэһэ хойут утуйан төһөлөөх сылайара буолуой? Киирбит – тахсыбыт киһини, ыалдьыты барыларын сүөгэй үрүҥнээх итии чэйинэн күндүлээн, сэһэргэһэн, үөрэн – көтөн атаарара. Кини хаһан да сылайары биллэрбэккэ, наар сырдыгы – кэрэни ыралыыр, олоххо олус тардыһыылаах киһи этэ.
Улахан кыыһа – Павлова Александра Ивановна «Сандалыма» уһуйаан сүрүн иитээччитинэн 30-ча сыл устата үлэлээн билигин бочуоттаах сынньалаҥҥа олорор.Кэргэннээх, 1 оҕолоох. Иккис кыыс – Слепцова Зинаида Ивановна 1987с. Дьокуускайдааҕы ГПТУ «Швея по легкой одежды» идэтин ылан төрөөбүт дойдутугар өр сылларга үлэлээбитэ.Кэргэннээх, 2 оҕолоох, сиэннээх. Үһүс кыыс – Еремеева Фекла Ивановна 1988с. учуутал идэтин ылан, билигин Үөгэн сүрүн оскуолатын үрдүк категориялаах алын кылааһын учууталынан айымньылааахтык үлэлии сылдьар, СР үөрэҕэриитин туйгуна, СР «Бастыҥ учуутала» Гран хаһаайына. 1 оҕолоох, 3 сиэннээх.Төрдүс оҕо – Павлов Григорий Иванович 1990с.Московскайдааҕы Юридическай институту бүтэрэн өр кэмҥэ Уус –Алдан улууһун ис дьыала отделын криминальнай полициятын сүрүн специалиһынан, билигин Ньурба куоратын ис дьыалтын полиция начальнигынан айа –тута үлэлии олорор.Полиция майора, подполковнига.СР Ис дьыалатын министрин III, II, I, истиэпеннээх мэтээллэр хаһаайына.Кэргэннээх, 3 оҕолоох.Бэһис оҕо- Дудкина Иванна Ивановна1989с.Төҥүлүтээҕи СПТУ-га «Декоратор- оформитель» идэтин ылбыта. Билигин Мэҥэ – Хаҥалас Клиническай лабораториятын тутаах үлэһитэ. 3оҕолоох, 4 сиэннээх. Алтыс оҕо - Ефимова Виктория Ивановна 1990с. «Мастер пошива меховой одежды» идэтин ылбыта. Өр кэмҥэ Муома оройуонун «Сказка» оҕо уһуйаанын үрдүк категориялаах иитээччитинэн үлэлиир. Кэргэннээх, 3 уол оҕолоох, 1 сиэннээх . Сэттис оҕо - Павлова Мария Ивановна «Ай-ыл-гын» крестьянскай хаһаайыстыба тутаах үлэһитэ. Ахсыс оҕо - Максимова Валентина Ивановна 1999с ЯПУ-2 бүтэрэн «Учитель музыки» идэтин ылбыта онтон Улан –Үдэтээҕи Культура уонна искусство институтун бүтэрэн. Өр кэмҥэ Ф.С. Аргунов аатынан Тааттатааҕы оҕо искусствотын оскуолатын хоровой отделениятын учууталынан айымньылаахтык үлэлии сылдьар. Кэргэннээх, 3 оҕолоох. Тохсус оҕо - Павлов Петр Иванович ЯПК -1 физкультурнай салаатын бүтэрэн бастаан Дьокуускайдааҕы тыа хаһаайыстыбатын техникумугар преподавателинэн, кэлин дойдутугар кэлэн Байаҕантай нэһилиэгин дьаһалтатын көмөлөһөөччү специалиһынан, билигин урбаанньыт буолан «Ай-ыл-гын» крестьянскай фермерскэй хаһаайыстыба тэринэн ол салайааччытынан үлэлии сылдьар. Кэргэннээх 2 оҕолоох.Онус оҕо – Палова Людмила Ивановна иккис группалаах инвалид, иллэҥ кэмигэр хаһаайыстыбаҕа көмөлөһөр сүрүн киһибит.
Ийэбит биһиги бары ыраас, байылыат олохтоох, үтүө үлэһит, үөрэхтээх дьон буоларбытыгар олус диэн баҕарара, биһиги онно үөрэтэрэ – такайара. Ийэбит барахсан уон оҕону төрөтөн, улаатыннаран, ыал оҥортоон олохтон барбыта номнуо 28 сыл буолла. 22 сиэн уонна 9 хос сиэн эбэлээтэр эбэтэ - ийэбит барахсан муударай сүбэһит, амарах ийэ, эйэҕэс эбэ этэ. Кини баҕарбыт ыра санаалара туолан, оҕолоро бары кэриэтэ үөрэхтээх, үлэһит, бэйэлэрэ ийэ – аҕа буоллулар.
Биһиги ийэбит Анна Трофимовна Павлова элбэх оҕону улаатыннаран иитэн таһаарбытын иһин "Материнская слава" орденнар 1,2,3, степенин уонна "Медаль материнства" 1 степенин, медаль "Ветеран труда уонна 1982 сыл муус устар 19 күнүгэр «Герой- Ийэ» үрдүк аатын ылбыта.
Оҕолоро, сиэннэрэ, кийииттэрэ, күтүөттэрэ күндү Киһибитин өрүү саныыбыт, ахтабыт, кини муударай өйүн. Киэҥ – холку майгытын куруук холобур оҥостобут.
Сиэнэ Иванна уонна кыыһа Фекла Еремеева, Үөгэн боһүөлэгэ, Томпо оройуона.
