Биьиги хос эьэбит Калачев Гаврил Гаврильевич 1923 сыллаахха колхозтаах дьиэ кэргэннэ торообутэ. Тонолугэ оскуоланы бутэрэн баран, Тарат уонна Балыктаах нэьилиэктэригэр «Ворошилов» аатынан колхозка биригэдьиирдээбитэ. Сэриигэ 1942 сыллаахха сайын барбыта, младшай командир буолбута. Москва анныгар кыргыьыыга кыайбыта. А5ыста бааьырбыта, «олло» диэн биллэрии сурук кэлбитэ. Пруссия5а диэри сэриилэспитэ. 1945 сыллаахха муус устарга ыараханнык бааьыран, ор госпитальга эмтэнэн баран, куьуору дойдутугар тыыннаах эргиллэн кэлбитэ. Кэлээт, Дьабыыл оскуолатыгар военрук. ананан улэлээбитэ. Сэрии 2 группалаах инбэлиитэ этэ. «Кыьыл сулус» орденнаа5а, элбэх бойобуой мэдээллээ5э. Тоботугэр тоьо да улахан бааьырыылаах буоллар, ча5ылхай ойдоох-санаалаах, сурдээх сиэрдээх уонна ылыннарыылаах тыллаах- остоох киьинэн биллэрэ. Олус итэ5эллээхтик, дьону-сэргэни астыннарар гына этэрэ. Киьи быьыытынан аьары сэмэй, олус боростуой, дьонно барытыгар тэн, кырдьа5аска кыаммакка, ордук о5олорго иьирэх сыьыаннаа5а. Нэьилиэк кырдьа5астара: «хоргуйуу кэмигэр кини комолоьон, тыыннаах хааллыбыт» диэн махтаналлара. Гаврил Гаврильевич торообут колхоьугар бырабылыанньа бэрэсэдээтэлинэн талыллыбыта. Уот-кураан хаттаан сатыылаабыт 1946- 1951 сылларга колхозтаах маасса бары куьун курааны, аьынаны эрдэтээнни хаьыннарыы, быыстала суох сал5анан бара турар тыа баьаардарын утары охсуьууга тумэ тардара. Ол ыарахан сылларга колхоз уопсай баайын-дуолун кыратык да энчирэппэккэ, оссо ханатар туьугар тууннэри-кунустэри кууьун-уо5ун харыстаабакка улэлиирэ. Атын оройуон сиригэр-уотугар тахсан оттооьуну тэрийэрэ, кыьынын онно общественнай суоьуну уурдэрэн илдьэн, этэннэ кыстатара. Колхозтаахтар улэлэрин-хамнастарын ко5улуу тэрийэ кыьынны ыыс-быдаан тымныыны-дьыбары, сааскы силлиэни-буур5аны, сайынны арда5ы-силбиги, куьунну хаар былаастаах оксуону аннынан ыныыр эбэтэр сыар5алаах атынан, аьа5ас кузовтаах таьа5ас таьар массыына урдугэр олорсон, биирдэ да сынньаммакка, тохтоло суох колхоьун туьугар кэлэрэ-барара, ол сылдьан ыараханнык ыалдьан бара-суо5а 28 саастаа5ар 1951 сыллаахха олбутэ .
Биьиги эьэбит эбэбитин Федора Ивановнаны кытта кылгас да буоллар дьоллоох оло5у олорбуттара, икки о5ону торотон, о5олонор дьолу билбиттэрэ. Кинилэр о5олоро билигин бэйэлэрэ кырдьа5ас дьоннор: Анастасия Гаврильевна педагогическай улэ ветерана, СФ уорэ5эриитин туйгуна. Владимир Гаврильевич «СР Норуотун хаьаайыстыбатын утуолээх улэьитэ», «Таатта улууьун бочуоттаах олохтоо5о», «Строительная Слава России» бэлиэлээх, элбэх о5олоох ыал а5ата, эьэтэ.
Биьиги хос эьэбит Калачев Гаврил Гаврильевич туьунан сырдык ойдобулу мэлдьи сурэхпитигэр илдьэ сылдьыахпыт.
Эдьигээн оройуона, Бэстээх бөhуөлэгэ.
Далакырова Яна, хос сиэнэ,
ЯКИТ 1 куурус устудьуона .
