Васильев Егор Петрович 1920 сыллаахха от ыйын 12 күнүгэр Бүлүү улууһун  III  Күүлэккэ төрөөбүтэ.  1940 сыллаахха Балаҕаччыга  библиотекарынан, 1942 сыллаахха   оскуолаҕа завхоһунан үлэлээбитэ. 1943 сыллаахха  бэс ыйын 13 күнүгэр Аҕа дойдугу көмүскүүр сэриигэ ыҥырыллыбыта. Балаҕаччыттан 35 буолан атынан Бүлүү куоратыгар военкомакка киирбиттэрэ. Ити сыл күһүнүгэр  Арҕаа сэриигэ барбыта.  Ленинградскай фронт 1265-с стрелковай полкатын састаабыгар иккис нүөмэрдээх пулеметчигынан сылдьыбыта.  1944 сыл кулун тутарыгар бааһыран, Ленинградтааҕы 250-с  №-дээх госпитальга эмтэммитэ. 1944 сыллаахха Карело-Финскэй фронт 91-с  стрелковай полкатыгар  рядовой саллаатынан сэриилэспитэ. 1944 сыллаахха от ыйын 6  күнүгэр  уҥа илиитигэр ыараханнык  араанньы буолан, эмтэммитин кэннэ алтынньы ыйга дойдутугар ыыппыттара. 1945 сыллаахха  Балаҕаччыга библиотекарынан,  налоговай агенынан, Дьөккөҥҥө 1947 сыллаахха  интернат сэбиэдиссэйинэн,  лесхозка  суол отделыгар өрөмүөннээччинэн үлэлээбитэ.  1949 сыллаахха ыал буолан, 7 оҕоломмута. Үөһээ Бүлүүгэ  1958-1976 сс.  промкомбинакка столярынан үлэлээбитэ. 2006 сыллаахха муус устар 22 күнүгэр 86 сааһыгар сылдьан, бу орто дойдуттан барбыта.  Нагараадалара: "Хорсунун иһин", "Георгий Жуков" мэтээллэрдээх,  «Германияны Кыайыы иһин” уордьаннаах.