1921 с. Кыадаҥдаҕа төрөөбут. 1940 с. Бүлүү педучилищетын бүтэрбит. 1942 с. Бала5аччыга учууталлыы сылдьан Армияҕа ыҥырыллан барбыт. Лейтенант , взвод командира, 14.01.43.-18.02.43 с.с. 192 пуш. артполк, 6.08.44-20.12.44 с.с. зенит. артполк. 20.12.44-9.05.45 с. 10 102 ЗАД, 100 гв. Сверскэй див. 1946 с. эргиллибит.

1940-40, 1941-42 үөрэх сылларыгар Бала5аччы Мастаах оскуолатыгар учууталлаабыт сэрии уонна улэ ветерана Алексей Захарович Томскай 1985 сыл атырдьах ыйын 30 күнүгэр суруйбут ахтыытыттан:

  «1941-42 сс. мин всеобуч үөрэҕин ыыппытым. Учууталлартан Руфов Н.А.,  мин командирдарынан ананан үгүстүк түбүгүрэрбит. Колхозтаахтары мунньан байыаннай устаабы,  стройга,  винтовка,  граната,  пулемёт чаастарын үөрэтэрбит. Бу үөрэх  кэнники туhалаабытын туhунан сэрии ветерана Н.С. Николаев ахтар буолара. 1942 с. бэс ыйыгар Армияҕа ыҥырыллан барбытым. Онно оскуола иhинэн-таhынан барааччылары атаара киhи бөҕө мустубута. Мин хаалааччыларга туhаайан,  ат миинэн олорон: "Биhиги өстөөҕү кыайан -  хотон кэлиэхпит,  тыыннаах эргиллиэхпит,  эhиги олус айманымаҥ,  тыылга үлэни кытаатын,  доруобай буолун", - диэбиппин оччоҕо,  кыргыhыы хонуутугар да,  билигин,  бу 40 сыл устата умнубаппын.

Итинник эрэл санаалаах буолан, хааннаах өстөөҕү кыайдахпыт. Билигин да алдьархайдаах атомнай сэриини киhи аймаҕа таhаартарыа суоҕа диэн эрэл санаа баар. »