Иккис Баатара нэһилиэгэр 1912 сыллаахха дьадаҥы ыалга төрөөбүтэ Попов Петр Кононович. Алта бииргэ төрөөбүттэртэн соҕотох ордон хаалбыт. 1930 сыллаахха убайа Попов Петр Васильевич - Ньыаһар тэрийбит табаарыстыбатыгар киирбит. Баатараҕа кыра табаарыстабалар холбоһон "Октябрь  колхуос буолбуттара, киининэн Өргүүдэк буолбута. Аҕа дойду Улуу сэриитигэр Дьокуускай куорат аттыгар Хатас анныгар Өлүөнэ өрүскэ оттуу сылдьан барбыта от ыйын 26 күнүгэр 1941 сыллаахха Саха сириттэн бастакы ыҥырыкка. Аҕа дойду Улуу сэриитигэр ахсынньы ый 6 күнүгэр 1941 сыллаахха Москва куорат аттыгар Химки куорат туйааһытынан 16 аармыйаҕа 7-с гвардейскай стрелковай дивизияҕа уоттаах сэриигэ киирбитэ. 16-с аармыйаҕа 8-с гвардейскай стрелковай дивизия Панфиловтар, ити күнтэн уоттаах сэрии бүтүөр диэри наар биир аармыйаҕа сулууспалаабыттара, наар кэккэлэһэ сэриилэспиттэрэ. Гвардеец Попов Петр Кононович биэстэ араанньа буолбута, байыаннай устаапка суруллубутах сокуонунан үтүөрбүтүн кэннэ наар бэйэтин 7-с гвардейскай стрелковай дивизияҕа тиийэрэ. Аҕа дойду Улуу сэриитигэр үс төгүл гвардейскай полк знамянатын иннигэр хаартыскаҕа түспүтэ. 1944 сыллаахха диэри. Бастакы "Хорсунун иһин " мэтээлин биллибэт биричиинэнэн кыайан ылбатах. Петр Кононович 100 сааһыгар Россия байыаннай киин архыыбыттан көстөн кэлбитэ. Иккис "Хорсунун иһин" мэтээлин балаҕан ыйын 26 күнүгэр 1944 сыллаахха ылбыт, Сэтинньи ый 8 күнүгэр 1944 сыллаахха "Албан аат " уордьан үһүс степенинэн наҕараадаламмыт, үһүс "Хорсунун иһин " мэтээлин ыам ыйын 8 күнүгэр 1945 сыллаахха Прибалтикаҕа ылбыт. Кыайыы күнүн Прибалтикаҕа көрсүбүтэ. 1946 сыллаахха Птохсунньу ыйга Аҕа дойду Улуу сэриититтэн эргиллэн кэлбитэ. Кэлээт Советскай Сойуус Геройа Федор Кузьмич Попов аатынан колхуоска хонуу биригэдьииринэн 17 сыл үлэлээбитэ. ПМК - ҕа 17 сыл үлэлээбитэ. Сыымахха спортзал, гараас элбэх боксалаах, 200 миэстэлээх кулууп, түөрт квартиралаах олорор дьиэни тутуспута. Эйэлээх олоххо икки төгүл Саха АССР Верховнай Советын Президиумун Бочуотунай Грамотатыннан наҕараадаламмыта, элбэх Почетнай грамоталарынан наҕараадаламмыта. Мэҥэ-Хаҥалас оройуонун бочуоттаах олохтооҕо. Билигин Попов Петр Кононович аатынан Баатара нэһилиэгэр Сыымах бөһүөлэгэр уулусса ааттаммыта. Москва куорат аттыгар Химки куоратка 9 нүөмэрдээх гимназияҕа 7-с гвардейскай стрелковай дивизияҕа аналлаах музей баар  онно гвардеец Попов Петр Кононович аата үйэтитиллэн турар. 7-с  Гвардейскай стрелковай дивизия үрдүнэн соҕотох гвардеец үс төгүл "Хорсунун иһин" бойобуой мэтээлинэн наҕараадаламмыт. Дьокуускай куорат Ярославскай музейга, Мэҥэ-Хаҥалас улууһун музейыгар Майаҕа уонна Баатара нэһилиэгэр Советскай Сойуус Дьоруойун Федор Кузьмич Попов аатынан музейга экспонаттар тураллар.