Они сражались за Родину

 
 
Годы жизни: 11.10.1916 г. - 05.06.1971 г.
Воинское звание: мл. сержант

   Михаил Архипович Петров 1916 с. алтынньы 11 күнүгэр Тааттыныскай нэһилиэгэр төрөөбүтэ. 1931 с. Ньимиидэ начальнай оскуолатыгар үөрэнэ киирбитэ, онтон  Уолба 7 кылаастаах оскуолатын бүтэрэн, 1938-39с Чурапчы педагогическай училища 1 курсун бүтэрбитэ. Бу кэннэ ыалдьан тохтообута.

   Таатта оройуонун партийнай комитета үүнэн иһэр эдэр киһини 1940 с. тохсунньу ыйтан оройуоннааҕы уполминзак инспекторынан анаабыта. Мантан ыла быыстала суох Совет хаһаайыстыбатын үлэҕэ өрө таһаарыллан, үүнэн испитэ. Ол курдук, 1940 с. атырдьах ыйыттан оройуон сир салаатын тэрийэр отдел инструкторынан үлэлиир.

   1942 с. муус устар ыйыгар төрөөбүт нэһилиэгин «Ворошилов» аатынан колхозка бырабылыанньа председателинэн быыбардыыллар. Дойдуга сэрии уот-кураан дьыллар тураннар, олох-дьаһах, үлэ-хамнас улаханнык айгыраан турар кэмэ этэ.

   1943 с. бэс ыйыгар Кыьыл аармыйа кэккэтигэр ынырыллан Дальнай Востокка байыаннай сулууспата саҕаламмыта. Байыаннай бэлэмнэниини үчүгэйдик бүтэрэн, младшай сержант званиятын ылан, олохтоох чааһыгар отделения командирынан үлэлээбитэ. Сэрии кэнниттэн 1946с дылы сулууспалаабыт. От ыйыгар армияттан төрөөбүт дойдутугар эргиллэн кэлэр.

   1947 с. оройуон үп салаатын ревизорунан уонна госстрах старшай инспекторынан үлэлиир.

   1948 с. тохсунньу ыйга диэри оройуон «Коммунист» хаһыакка эппиэт секретарынан үлэлии сырыттаҕына, культура эйгэтигэр эдэр сааһыттан сыһыаннааҕын учуоттаан, оройуоннааҕы культура отделын заведующайынан уонна кинофикация отделын начальнигынан аныыллар. Бу үлэҕэ 1951с ыам ыйыгар дылы үлэлиир.

   1952-55 с. Тааттыныскай нэьилиэгин ааҕар балаҕан сэбиэдиссэйинэн ананан улэлиир.

   1955 с муус устар ыйга бөдөҥсүйбүт "Победа" колхоз бырабылыанньатын председателин солбуйааччытынан быыбардыыллар. Итини тэҥэ колхозтааҕы маҥнайгы сүһүөх партийнай тэрилтэ секретарынан үлэлиир.

   Онтон 1956 сыл олунньу ыйтан 1958 с. кулун тутар ыйга диэри "Победа" колхоз сирэй председателынан быыбарданан, икки сыл түбүктээх, ыарахан үлэҕэ үлэлиир. 1958с оройуон үрдүнэн колхозтары холбуур сорук турбута. Бу сылларга «Коммунизм» колхоз тэриллибитэ. Михаил Архипович Аллараа Амма нэһилиэгэр Чычымах производственнай учаастагар сэбиэдиссэйинэн анаммыта.

   Онтон 1959с -1961с диэри «Коммунизм» колхозка механизацияҕа хаһаайыстыбаннай чаас сэбиэдиссэйинэн ананар.

   Доруобуйата мөлтөөн Дьохсоҕон нэһилиэгин 1961-1968с диэри нэһилиэк сельскай кулууп сэбиэдиссэйинэн үлэлээбитэ.

   1971с бэс ыйын 5 кунугэр күн сириттэн күрэммитэ.

                                                                   Октябрина Михайловна Ильина

Годы службы: 1943 г - 1946 г.
Место рождения: Таттинский наслег Алексеевского района
ПОДЕЛИТЬСЯ СТРАНИЦЕЙ