Аҕам Устинов Николай Петрович Амма оройуонун Хомпу-Наахара нэһилиэгэр 22.05.1922 с.. төрөөбүтэ.

Сэриигэ 1943 сыллаахха бэс ыйын 17 күнүгэр ыҥырыллан Амматтан барбыта. Илиҥҥи  фроҥҥа түбэспитэ. Чойболсан к. п.п. 125 механизированный полкага ГУСЛЕН систематыгар сулууспалаабыта. Действующай армияҕа сылдьыбыта.

Дойдутугар 1947 сыллаахха эргиллэн кэлбитэ. Хас да медаллардаах , ол иһигэр "Японияны"  кыайыы иһин" мэтээллээх. Дойдутугар кэлэн

 1949 с.  Дьокуускайдаагы тыа  хаһаайыстыбатын  колхоз председателлэрин бэлэмниир орто оскуолатыгар уерэнэ киирэр. Онно Сунтаартан уерэнэ кэлбит Иванова   Марфа Афанасьевнаны көрсөн сөбүлэһэн    ыал буолаллар Үөрэхтэрин   бүтэрэн агроном идэтин ылан 1952 с. Аммага улэлии тахсаллар. Красноярскайдаагы үрдүкү партийнай школаны бүтэрэн партийнай үлэһит буолар. Кэлин Иркутскайдаагы норуот хаһаайыстыбатын институтугар кэтэхтэн үөрэнэн экономист идэтин ылар. Амма, Сунтаар, Булуҥ оройуоннарын райкомугар., "Амма" совхозка партком секретарынан таһаарыылаахтык үлэлээн 1978 сыллаахха бочуоттаах  сынньалаҥҥа тахсар. Кэргэнинээн эйэ дэмнээхтик 30 сыл олорон 4 оголоноллор. 1980 с. ыалдьан олохтон туоруур.