Константинов Петр Кононович

1915 сыллаахха төрөөбүт, Молотов колхоз.

Биһиги дьиэ кэргэн Молотов колхоз киинигэр Сиэккэ 1940 с. Арыылаахтан муус устар 20 күнүгэр көһөн кэлбиппит. Оччотооҕу кытаанах дьаһалынан ити эҥээр ыал бүтүннүү биир күн иһинэн хомунан көспүттэрэ. Сэрии саҕаланарыгар мин ыалдьан сытар кэмим этэ. Аҕам Куонаан биригэдьиир, ийэм, Үкээс, Мыйа, Сэһэркэй колхозка үлэлииллэрэ. 1941 с. Ээдьээҥҥэ атыыһытынан ыыппыттара, саас 2 Тоҕуска сэбиэт секретарынан, 1942 с. кулун тутартан 1943 с. ахсынньы 13 күнүгэр дылы сэбиэт председателинэн сылдьыбытым. 1937 с. партияҕа кандидат буолтум, 1939 с. членинэн ылтара. 1944 с. Армияҕа ыҥырыллыахпар дылы Төҥүргэстээххэ сэбиэт председателинэн үлэлээбитим. Армияҕа 1944  с. бэс ыйын 20 күнүгэр ыҥырыллан баран Читаҕа мас кэрдиитигэр, таһыытыгар, араас үлэлэргэ сылдьыбытым, 1946 с. от ыйын 15 күнүгэр эргиллэн кэлбитим.