Винокуров Аркадий Константинович  1921 сыллаахха Кылаайыга Айыыһыттаах ӨтөҕөрКөстөкуун Ойуун соҕотох оҕотунан төрөөбүтэ . Түүлээх , Танда оскуолаларыгар үөрэммитэ, алтыскылааһы бүтэрбитэ. 1943 сыл бэс ыйын 8 кунугэр 20 сааһыгар Чурапчы военкоматынан армияҕа ыҥырыллан Ойуун Өтеҕуттэн уот сэриигэ барбыта. 17-с армия 72-с мотострелковай полкатын 2-с ботальонун 6-с ротатын рядовойа. 1945 сылатырдьах ыйын 9 күнүгэр Японияны утары сэриигэМаньчжуриянан 6-с Забайкальскай танковай корпус састаабыгар Порт-Артур туһаайыытынан кимэнкиириигэ кыттыбыта. Хинган хайаны туораан, Харбин куоракка тиийбитэ. Онтон Улан-Сырыкка72-с полкаҕа сулууспалаан баран 1946 сыл от ыйыгар дойдутугар эргиллибитэ. Сэриигэ контузияланан дьулэй буолан кэлбитэ.

Дойдутугар Хонууга биригэдьиирдээбитэ, кадровай булчутунан уйэтин тухары сылдьыбыта.Өрөспүүблүкэ күндү түүлээххэ былаанын элбэхтэтолорбута. Агафия Стрекаловскаяны ойох ыланбиэс оҕоломмута. Эрдэ огдообо хаалан оҕолоругар көмө буолбута, сиэннэрин көрбутэ. Булчут буолан80 сааһыгар тиийэ уһун кыһыннары , сайыннырытайҕаҕа үүтээннэрин кэрийэн, Верхоян хайатыгартиийэ бултуура-алтыыра, этинэн-балыгынан, күндү түүлээҕинэн дьонун иитэрэ, күндүлүүрэ. Олуссымсы, түргэн туттуулаах, күүстээх, көхтөөх-нардаах, элэккэй оҕонньор этэ. 2002 сыллаахха бэсыйын 15 күнүгэр күн сириттэн күрэммитэ.

Аҕа дойду сэриитин II степеннээх орденынан,  «Хорсунун иһин»,  «Японияны кыайыы иһин» мэтээллэринэн наҕараадаламмыта.