Аан дойдуну аймаабыт Аҕа дойду Улуу сэриитэ хас биирдии ыал аанын тоҥсуйан, хас биирдии киһи олоҕор ыар бэлиэни, сүтүгү хаалларбыт уоттаах сэрии… Хаһан да умнуллубат, өйөтөн-сүрэхтэн сүппэт аһыы, аба, курас санаа… Аҕа дойдуну көмүскээччилэр истэригэр  Потапов аймахтан 9  киһи ыҥырыллыбытыттан 7 эдэркээн, удьуору ууһатар киһитэ сэрии толоонугар хаалбыта. Сүүһүнэн, тыһынчанан, мөлүйүөнүнэн сэбиэскэй дьон курдук красноармеец, рядовой саллаат үрдүк аатын сүгэн Ийэ дойду көмүскэлигэр тыыннарын толук уурбут аймах дьонум туһунан кэпсиэм.

Үс  ини- бии Афанасий, Анемподист, Афанасий Потаповтар улахан Афанасий үһүс уолун Потап Потапов уола 

Потапов Потап Потапович 1923 сыллаахха Бологур с/с, Арыыһыкка төрөөбүт. Амма орто оскуолатын 9-с кылааһын  бүтэрбитэ. 1942 сыл от ыйын 27 күнүгэр Аҕа дойдуну көмүскүүр Улуу сэриигэ ыҥырыллан барбыта.  Младшай  сержант Потап Потапов  II Украинскай фронт Степной Байыаннай уокуругун 294 нүөмэрдээх минполкатыгар минометчигынан  сулууспалаабыта.  Белгород, Харьков, Красноград, Полтава уо.д.а куораттары босхолооһуҥҥа кыттыны ылбыта. 1943 сыллаахха атырдьах ыйын 5  күнүгэр Стрелецкое дэриэбинэ иьин кыргыһыыга командир солбуйааччыта Потапов П. П.  хорсун быһыытын иһин  «За боевые заслуги» медалынан наҕараадаланар. Онтон Кыһыл Сулус орденынан наҕараадаланар. Хорсун сэрииһит 1944 сыл алтынньытыттан сураҕа суох сүппүтэ.