Аан дойдуну аймаабыт Аҕа дойду Улуу сэриитэ хас биирдии ыал аанын тоҥсуйан, хас биирдии киһи олоҕор ыар бэлиэни, сүтүгү хаалларбыт уоттаах сэрии… Хаһан да умнуллубат, өйөтөн-сүрэхтэн сүппэт аһыы, аба, курас санаа… Аҕа дойдуну көмүскээччилэр истэригэр  Потапов аймахтан 9  киһи ыҥырыллыбытыттан 7 эдэркээн, удьуору ууһатар киһитэ сэрии толоонугар хаалбыта. Сүүһүнэн, тыһынчанан, мөлүйүөнүнэн сэбиэскэй дьон курдук красноармеец, рядовой саллаат үрдүк аатын сүгэн Ийэ дойду көмүскэлигэр тыыннарын толук уурбут аймах дьонум туһунан кэпсиэм.

Үс  ини- бии Афанасий, Анемподист, Афанасий Потаповтартан Анемподист  сиэнэ Спиридон Васильевич Никифоров  1917 сыллаахха Амма –Наахара нэһилиэгэр төрүүр.) 1941 сыллаахха от ыйыгар Чурапчы ОБК-нан Аҕа дойду Улуу сэриитигэр ыҥырыллан барар. 111 нүөмэрдээх танковай дивизияга сулууспалыыр уонна 1943 сыллаахха от ыйын 13 күнүгэр өлөн  Читинскэй уобаласка көмүллүбүт.