Биһиги эһээбит Степанов Афанасий Николаевич 1913 с. тохсунньу ыйга Арҕаа Хаҥалас улууһугар, II Одуну нэһилиэгэр Кураанах алааһыгар Иирэлээх аҕа ууһугар төрөөбүтэ. Бииргэ төрөөбүттэр ахсыалар. Ийэтэ Саввина Анисья Ивановна (Анньыыска), аҕата Степанов Николай Васильевич (Ньукулааскы). 1941 с. от ыйыгар Горнай оройуонун бары нэһилиэгиттэн хомуллан армияҕа атаарыллыбыттар. Бастаан Волховскай фронт чаастарыгар сэриилэспит. Онтон ахсынньы 20 кунуттэн 1941 с. 1-кы Белорусскай фронна 15 стрелковай полка састаабыгар сылдьан кыргыспыт. 1942 сыл балаҕан ыйын 9 күнүгэр Гомель куорат хайысхатын диэки кимэн киириилээх кыргыһыыга атаҕар улахан араанньы ылбыт. Өр эмтэнии кэниттэн балаҕан ыйын 22 күнүгэр 1943 с. дойдутугар ыытыллыбыт. Дойдутугар эргиллэн кэлэн, оройуонҥа таһаҕас таһыытынан дьарыктаммыт. Кэлин Маҕараска олохсуйан Горнай холкуос Одунутааҕы отделениятыгар үтүө суобастаахтык үлэлээбит, сэттэ оҕо амарах аҕата. 1981 с. алтынньы 27 күнүгэр күн сириттэн күрэммитэ. Эһээбит Гомель куораты босхолооһунун иһин Аҕа дойду сэриитин II степеннээх уордьанын кавалера, элбэх үбүлүөйүнэй мэтээллэринэн наҕараадаламмыта.