1943 сыллаахха Сталинградтааҕы кыргыһыыга сураҕа суох сүппүтүн туһунан биллэрии кэлбит.

Павел Иванович Габышев Төҥүлү сельпотун бэрэссэдээтэлинэн үлэлии сылдьан сэриигэ ыҥырыллыбыт. 1943 сыллаахха уоттаах сэрии хонуутугар охтубут.

Николай Тимофеевич Габышев сэрииттэн эргиллэн кэлбит. Холкуоска үлэлии-хамсыы сылдьан, күн сириттэн күрэммит.

Илья Прокопьевич Габышев 1943 сыллаахха аармыйаҕа ыҥырыллыбыт. Кини сэрииттэн дойдутугар тыыннаах эргиллибит. Сыралаах үлэтинэн Саха Өрөспүүбүлүкэтин норуотун хаһаайыстыбатын үтүөлээх үлэһитэ буолбут.

Бүөтүрдээх Илья аҕаларын бииргэ төрөөбүт аҕаларын бииргэ төрөөбүт быраата Афанасий Николаевич Габышев сэриигэ сааһыран баран ыҥырыллыбыт. Ыараханнык бааһыран, дойдутугар эргиллэн кэлбит.

Михаил, Афанасий, Семен Лазаревич Гаышевтар уоттаах сэриигэ хорсуннук кыргыспыттар. Михаил Сталинград анныгар охтубут. Афанасий уонна Семен дойдуларыгар этэҥҥэ эргиллэн кэлбиттэр.

Егор Семенович уонна Прокопий Семенович Габышевтар Аҕа дойдуну көмүскүүр сэриигэ бииргэ ыҥырыллан барбыттар. Утуу-субуу сэрии хонуутугар хорсуннук охтубуттар.

Егор Егорович Габышев көмүс уҥуоҕа Витебскэй уобаласка хаалбыт. Кини быраата Петр Егорович сэрииттэн тыыннаах дойдутугар эргиллибит.

Николай Васильевич Габышев Запорожье сиригэр-уотугар көмүллүбүт. Быраата Федор Васильевич сэрииттэн эргиллэн кэлэн баран, Сунтаарга өр сылларга учууталлаабыт.