Они сражались за Родину

 
 

Сэрии бэтэрээнэ

Өлүөхүмэ улууһун Токотуттан төрүттээх Василий Михайлов  1942 сыллаахха бэс ыйыгар аармыйаҕа ыҥырыллан барбыта. Уралга байыаннай үөрэххэ үөрэммитэ.

Бэйэтин үчүгэйдик кыанар, бэргэнник ытар саха уолун 21-с хайыһар биригээдэтигэр стрелогунан анаабыттара. 1943 сыллаахха Ленинград уобалаһын көмүскэлигэр Сибиир хайыһардьыттарын ыыппыттара. Ити кэмҥэ бииргэ үөрэммит уолаттара Ильмень күөлүгэр сэймэктэниигэ түбэспиттэрэ.

Оттон кини чааһа Великие Луки куорат туһаайыытынан атаакаҕа киирбитэ. ¥рүҥ халааттаах, хайыһардаах уолаттар өстөөххө күүстээх уоту аспыттара. Ол эрээри ити кыргыһыыга сүүһүнэн эдэркээн саллааттар сырдык тыыннара быстыбыта. Василий эмиэ өстөөх буулдьатыгар таптаран, госпиталга эмтэммитэ.

Ол кэнниттэн Старай Русса анныгар кыргыһыыга кыттыыны ылбыта. Кинитэ сэрии хонтуугар үстэ бааһырбыта. Белоруссияны, Латвияны босхолоспута. Улуу Кыайыы өрөгөйдөөх күнүн Литваҕа көрсүбүтэ. Албан аат III истиэпэннээх уордьанынан, «Хорсунун иһин» уонна «Бойобуой үтүөлэрин иһин» мэтээллэринэн наҕараадаламмыта.

ПОДЕЛИТЬСЯ СТРАНИЦЕЙ