Они сражались за Родину

 
 
Годы жизни: 1908-1942

Романов Николай Григорьевич

(1908-1942 сс.)

         Николай Григорьевич 1908 сыллаахха Дүпсүн улууһугар II Өспөх нэһилиэгин Үөнэ а5атын ууһугар, Агдаары алаас халдьаайытыгар  төрөөбүтэ. Аҕата Романов Григорий-Бэдьэрики диэн ааттааҕа, ийэтэ Найахыттан төрүттээх.

         Николай-Тутуулаах диэн таптал ааттааҕа. Эдэр сааһыгар кыахтаах ыалларга үлэһит быһыытынан сылдьыбыта. Сэбиэскэй  былаас буолтун кэннэ, саҥа олоҕу тутууга актыыбынай кыттыыны ылбыта. Нэһилиэк бастакы комсомолецтарыттан, коммунистарыттан биирдэстэрэ. Ликбезка үөрэнэн ааҕар-суруйар буолбута. Сир үллэһигин курдук уустук эппиэттээх үлэлэргэ, холкуостары тэрийиигэ быһаччы кыттыбыта. Маҥнай Үөнэ онтон Биэттэ холкуостар чилиэннэрэ. Эдэр, салайар үлэҕэ дьоҕурдаах уолу таба көрөннөр 1940 сыллаахха Баатаҕай нэһилиэгин Сэбиэтин бэрэссэдээтэлинэн талаллар. Нэһилиэк олоҕо-дьаһаҕа тупсарын, экономиката бөҕөргүүрүн туһугар, ылсан үлэлээбитэ, нэһилиэк киинигэр, холкуостарга саҥа хотоннору, ыскылааттары туттарыыга улахан болҕомтотун уурбута, үгүс үлэни ыыттарбыта.

          Ити курдук бэрэссэдээтэлинэн үлэлии олорон, 1941 сыллаахха сэриигэ ыҥырыллан барбыта. Сталинград куораты босхолооһуҥҥа төбөтүгэр бааһыран госпиталга киирбитэ. Ыараханнык бааһыран, эмтэнэ сытан, быраатыгар Игнатийга тиһэх суругун ыыппыта, дойдутун-дьонун ахтарын, хайдах олороллорун, үлэлэрэ олохторо хайдаҕын сураспыт этэ.

          Бу сытан хорсун буойун төбөтүн араанньата бэргээн 1942 сыллаахха госпиталга сытан сырдык тыына быстыбыт, өлбүтүн туһунан дьонугар биллэрии кэлбит.  

ПОДЕЛИТЬСЯ СТРАНИЦЕЙ