Дедюкин Ефрем Герасимович, Неустроева Варвара Семеновна иккис уолларын Михаилы 1924 сыллаахха оҕоломмуттара, ону убайдара Наум көрдөһөн иитэ ылан бэйэтин аннынан суруйтарбыта. Ол эрэн кэккэлэһэ олорор буолан Мэхээлэ төрөппүт дьонугар, бииргэ төрөөбүттэригэр киирэ-тахса сылдьар, бииргэ буккуһан улааппыта. Бэйэтин кыанар, сэргэх уол 1941 сыллаахха Баайаҕа 7 кылаастаах оскуолатын бүтэрэн "Кыһыл Кутаама" колхуоска суоччутунан үлэлии сылдьан 1942 сыл атырдьах ыйыгар Чурапчы оройуонун военкоматынан бэбиэскэлэнэн Кыһыл аармыйаҕа ыҥырыллар. Читинскэй уобаласка Чита куоракка тиийэн пограничнай сулууспаҕа түбэһэн, Илиҥҥи кыраныыссаны харыстааһыҥҥа харабылга турар. 1945 сыллаахха атырдьах ыйын 9 күнүнээҕи сарсыарда Японскай империализмы утары сэрии саҕаламмыт. Онно Михаил Наумович 154-с стрелковай полкаҕа сулууспалыы сылдьан Квантунскай аармыйа сүрүн кириэппэһин ылыыга Хайлар куорат анныгар баара-суоҕа 21 сааһыгар геройдуу охтубут. Билиҥҥитэ Кытай сиригэр Хайлар куоракка ол уоттаах сэриигэ геройдуу охтубуттарга момумент бэлиэ туруорбуттар. Хомойуох иһин көмүллүбүт сирэ биллибэт, биһиги көрдүүр, чинчийэр үлэни ыытабыт.