Алексей Константинович Варламов (Александр Афанасьевич Луковцев) 1925 – 1998 сс.
Алексей Константинович 1925 сыллаахха от ыйын 1 күнүгэр Баайаҕаҕа дьадаҥы дьиэ кэргэҥҥэ төрөөбүт. Хомойуох иһин аҕата Луковцев Афанасий эрдэ өлөн тулаайах хаалбыт. Кэлин ийэтэ иккистээн Варламов Константиҥҥа кэргэн тахсан иккис ааттаммыт. Дьиҥнээх аатын кэнники пенсияҕа тахсарыгар биирдэ билбит.
Сэрии саҕаланыыта борбуйун көтөҕөн эрэр уолчаан буолан колхоз тутаах үлэһитэ этэ. Кыахтаах, күүстээх эр дьон бары уоттаах сэриигэ барбыттара, хаалбыт оҕонньоттору кытта саҥа үүнэн эрэр уолаттар колхоз күүстээх үлэтигэр түспүттэрэ. Туох да үлэттэн чаҕыйбакка улахан дьоннуун тэҥҥэ күнүстэри-түүннэри үлэлииллэрэ, Уус – Алдан оройуонун Курбуһах нэһилиэгин «Нүөкүлү» колхозтан 1945 сыллаахха сааһын ситэн уоттаах сэриигэ аттанар, Армияҕа тиийэн бастаан «Мальта» станциятыгар бэлэмниир пуунҥа икки ый сылдьаат, Забайкальскай фронт 106 пулеметнай батальонугар байыаннай үөрэххэ үөрэнэн эрдэҕинэ кыайыы буолар. 1945с Японияны утары сэриигэ артиллерийскай полкаҕа сулууспалыыр. Советскай Монголо-Маньчужирскай границаҕа 91-с нүөмэрдээх запасной артиллерискай полкаҕа тиийэн орудие нүөмэринэн сылдьан Япония сэриитигэр кыттар. Хинган хайаларын туораан Хайлар диэн куорат ылыытыгар кыттар. Онтон Чань Чунь диэн обургу куоракка тиийэн сэриини түмүктүүр. Харбин куоракка кэлэн кыстыыллар уонна Япония быстах тобох сэриитин кыргыһыытыгар кыттар. 1946 сыллаахха Харбинтан төннөн «Даурия» станцияҕа суол тутуутугар сулууспалыыр. 1951 сыллаахха дойдутугар эргиллэр. Надежда Федотовна Неустроеваны кэргэн ылан 6 оҕону төрөтөн Уус-Амма нэһилиэгэр, Таатта улууһугар олохсуйаллар.
На5араадалара: «За отвагу», «За боевые заслуги», «За победу над Германией», «За победу над Японией», «За доблестный труд 1941-1945гг», «Маршал Жуков», араас сыллардааҕы юбилейнай мэтээллэр.