Аҕа дойду сэриитин кыттыылааҕа
Петр Лукич Сергучев
(1917 – 1976 сс)
Петр Лукич бэс ыйын 26 күнүгэр 1917 сыллаахха Баатара нэһилиэгэр «Тыһаҕас өлбүт» диэн сиргэ төрөөбүт.
1940 сыл кулун тутар 2 күнүттэн 1941 сыл от ыйын 26 күнүгэр дылы Республикатааҕы колхозтар кадрдарын бэлэмнииир оскуола 5 наборугар үөрэммит. Ситиһиилээхтик үөрэҕин бүтэрэн колхоз председателин дипломун ылбыт. Ити күн Советскай Армияҕа ыҥырыллар повестка туппут. 26.07.1941 сыл фроҥҥа ыҥырыллан Лена эбэ устун «Лермонтов» аатынан пассажирскай пароходунан айаннаабыттар. 14.08.41 сылтан 12.01.43с Дальневосточнай военнай округ 754 стрелковай полкатыгар в/ч 1336 сулууспалаабыт. Манна стрелок быһыытынан сылдьан үөрэниигэ бастыҥын иһин 7 төгүл хайҕаммыт. Хотугулуу – арҕаа фроҥҥа 15с гвардейскай моторизованнай стрелковай биригээдэ 1 батальон, 3 стрелковай ротатыгар отделение командирынан сылдьыбыт, отделениятын ситиһиилээхтик салайбытын иһин сержант званиятын биэрбиттэр. Онтон ыла «Командир отделения товарищ Гвардии сержант Сергучев» диэн ыҥырар буолбуттар. 22.02.1943с – 05.12. 1945 с күннэригэр уоттаах сэрии саамай ыар кэмнэрин көрсүбүттэр. Улахан төгүрүктээһинтэн отделениятын тыыннаах таһаарбыт. Бу киирсиигэ сатабыллаах хамандыырын иһин Слава III истиэпэннээх уордьан анаабыттар да хамандыыра өлөн туппатах. Кини Берлиҥҥэ тиийэ сэриилэспитэ, кыайыы күнүн Берлиҥҥэ көрсүбүт, кыайыы парадыгар сылдьыбыт. Сэрии саҕаланыаҕыттан бүтүөр дылы сэриилэспит. 1946 сыллаахха дойдутугар эргиллибитэ, «Сталинец» колхуоска председателинэн үлэлээбитэ. Олус чиэһинэй, үлэһит дьон интэриэһин көмүскээн, дьон махталын ылбыта.
1947с Евдокия Кузьминична Попованы (Герой ФК Попов балта) кытта ыал буолан 4 оҕону төрөтөллөр.
Наҕараадалара :
"За отвагу"
"За боевые заслуги"
"За взятие Берлина"
"За победу над Германией"