Павлова Екатерина Степановна 

Ахсынньы 20 күнүгэр 1937 сыллаахха Ι Малдьаҕар нэһилиэгэр төрөөбүтэ. Аҕата Львов Степан Дмириевич  Аҕа дойду сэриитигэр 1942 сыллаахха Сталинград уоттаах сэриитигэр сураҕа суох сүппүтэ. Ийэтэ Гаврильева Вера Ивановна 1912 сыллаахха Горнай улууһун Атамай нэһилиэгэр төрөөбүтэ. Үйэтин тухары Дьокуускайга «Сардаана» фабрикаҕа иистэнньэҥинэн үлэлээбитэ. 1994 сыллаахха олохтон туораабыта. Екатерина 1942 сыллаахха оскуолаҕа үөрэнэ киирбитэ эрээри, уоттаах сэрии сыллара,  аччыктааһын кэмнэрэ буолан начаалынай кылааһынан үөрэнэн бүппүтэ. Тулаайах буолан оҕо эрдэҕиттэн эбэтигэр илии-атах буолан үлэтин саҕалаабыта. Онтон «Правда» холкуоска ыанньыксытынан үлэлии сылдьан 1957 сыллаахха Павлов Дмитрий Ионовичка кэргэн тахсан сэттэ оҕону төрөппүтэ, онтон иккитэ кыра эрдэхтэринэ ыалдьан өлбүттэрэ. Отой эдэр сааһыгар 5 оҕолоох огдообо хаалбыта. Оҕолорун үөрэттэрэн, атахтарыгар туруортаабыта. 1968 сылтан 1989 сылга дылы Булгунньахтаах детсадыгар поварынан үлэлээбитэ. Элбэх грамоталарынан, махтал суруктарынан наҕараадаламмыта. 2003 сыллаахха ыарахан ыарыыттан күн сириттэн күрэммитэ.

                                     Балта Львова Людмила Васильевна ахтыыта