Степанов   Михаил  Дмитриевич 1933 сыллааҕы  төрүөх. Кыргыдайтан  төрүттээх Степанов  Дмитрий  Прокопьевич  улахан  уола этэ. Кини  оҕо  сааһа Балаҕаччы  Саамытыгар, Свердлов учаастакка  ааспыта. Сэрии сылларыгар кини аҕыстаах тоҕустаах  уол  этэ.Сайыҥҥы  кэмнэргэ  окко  оҕус  сиэтиитигэр,ынах  сүөһүгэ бостуук  үлэлэригэр  сылдьара.Кыһын  эһэтин батыһан булка  эриллэрэ. Оччотооҕу  оскуола  сэттэ  кылааһын  бүтэрэн,доҕотторун  кытта 1957 сыллаахха Бүлүүтээҕи  педучилищены  ситиһиилээхтик  бүтэрэн,  хоту  Казачьеҕа  үлэтин  саҕалаабыта.1960 сылларга Бүлүү Бороҕунугар, онтон 1962  сылтан Кыргыдай  оскуолатыгар  учууталынан үлэлээбитэ. Үлэтигэр олус  кыһамньылаах ,саҥаны  көрдүүр, оҕолорго истиҥ,эйэҕэс  сыһыаннааҕа, бэйэтэ  дэгиттэр  талааннааҕа  баяҥҥа  оонньуура, сүрдээх  истиҥ  куоластааҕа, сценкаларга наһаа  үчүгэйдик оонньуура. 1972  сылтан  оскуолаттан  уурайан, совхозка  сылгыһыттаабыта. Иккитэ кэргэннэнэн сэттэ  оҕолоох. Уолаттара быстах  дьылҕалананнар улахан  охсуу  ылан  пенсиятыгар  да  тиийбэккэ  олохтон  туораабыта. Билигин  кини  олоҕун оҕолоро, сиэннэрэ салгыыллар.